2 Petrus 2:21 - Kaili Ledo

²¹ Aginapa ledo sanggania rasanira dala nakana, pade rasanira bo maupu sia aga rakabasakara parenta-parenta nu Alatala nipatolele ka ira.

2 Petrus 2:21 ပူးပေါင်းရင်းမြစ်များ

Matius 21:32

Sabana, i Yohanes Topediu neonga nompatuduki dala nanoa ka komiu, tapi ledo niparasayamiu ia. Tapi topesingara balasitee bo bajinga nomparasaya ia. Bo nau nikitamiu pura-pura anu nikitara, ledo najea komiu, bo ledo ntoto niparasayamiu.”

Lukas 12:47

Ane batua nisanina dota nu madikana, tapi ledo nainga bo ledo nipoviana dota nu madikana, ia kana rajeani pakandasa.

Yohanes 15:22

Ane rapana Yaku ledo nakava bo ledo nompatuduki ka ira, tantu ira ledo rapakasala sabana dosara. Tapi nakavamo Yaku bo nipatudukimo ira. Jadi domo mamala raulira ledo nisanira pokainggura nadosa.

Yohanes 9:41

Nesana i Yesus, “Ane rapana komiu naburo mami, natantumo ledo nadosa komiu. Tapi komiu nanguli namala nekita. Haitu sampe komiu bate-batena nadosa.”

Roma 7:12

Jadi, Atura agama nagasa bo parenta-parenta nu Alatala nagasa, nanoa bo nabelo.

Galatia 6:2

Ane roamiu sampomparasaya nombarasai susa bo pari, tulungimo ia. Apa ane komiu mositulungi, komiu mangoseaka parenta i Kristus.

1 Tesalonika 4:2

Nisanimiu pepatuduki nidekei kami ka komiu ante kuasa lako nte i Pue Yesus.

1 Timotius 6:14

Oseaka puramo parenta hitu ante mpuu-mpuu raramu bo ante pokainggu anu ledo masipato rasalai ntona, sampe makava mpanjili Tuputa i Yesus Kristus.

Ibrani 10:26

Ane ratunggaita bate-batena movia dosa naliu nitarimata pepatuduki nakana, ledo ria pesomba mompakalali dosa haitu.

Yakobus 4:17

Ane nisanita anu nabelo paraluu rapoviata, tapi ledo nipoviata, kita nadosa.

2 Petrus 3:2

Patujuku, ala ratoramiu tesa-tesa niboto nu nabi-nabi nu Alatala nggaulu, bo ala ratoramiu muni parenta-parenta lako nte Tuputa Yesus, Topepakasalama. ParentaNa nipasimbayu nu suro-suroNa anu nakava nte komiu.

Yudas 1:3

Sampesuvu-sampesuvu nipotoveku, naoge mpuu raraku motulisi sura ka komiu, mombatesa kabelona nirasaita pura-pura anu nipakasalama i Yesus. Tapi nirasaiku eva naria anu nompasuu yaku mombabaliki niaku haitu. Apa naria tona anu nanggeni pepatuduki nasala nte kita. Sia sampe niuliku aginamo kutulisi sura mompakaroso raramiu ala komiu mompasimbuku mpuu mangeva tona anu madota mombabaliki pepatuduki nakana. Pepatuduki nakana nipasimbayu nu Alatala ka pura-pura todeaNa. Bo pepatuduki haitu aga sanggani nidekei nu Alatala sampe ri kasae-saena bo ledo namala rabaliki.