2 Petrus 1:20 - Kaili Ledo

²⁰ Tesa nopoko kana ratoramiu haitumo: tesa-tesa niuli nu nabi-nabi riara Buku Gasa, ledo mamala rabatuasi aga nangoseaka panggava mboto.

2 Petrus 1:20 ပူးပေါင်းရင်းမြစ်များ

Roma 12:6

Kita simbo nidekeika pompakule-pompakule ledo nasimbayu, nangoseaka anu nidekei nu Alatala ka simbo saito lako ri kabelo raraNa. Jadi sabana haitu, kita kana mpuu-mpuu mompake pompakuleta haitu. Isema-sema nidekeika pompakule mompatolele tesa lako nte Alatala, kana rapoviana mangoseaka pomparasaya naria nte ia.

Roma 13:11

Poviamo pura-pura haitu, apa nisanimiu sii-sii temponamo kita membangu lako ri paturuta bo mainga. Kita kana mainga sabana kakava i Kristus mompakasalama kita naparapa sii-sii pade tempo kita pamulana nomparasaya Ia.

Roma 6:6

Nisanita katuvuta nokolu nireke namate nosanggani-nggani ante i Kristus ri kayu salib, ala kuasa nu dosa riara nggatuvuta rapakaropu, bo kita domo rakuasai nu dosa.

1 Timotius 1:9

Nisanita muni patuju nu Atura-atura haitu ledo mombatagi tona nanoa. Tapi patuju Atura-atura haitu mombatagi tona nombaliunaka atura, tona nadaa, topesapuaka, tona nadosa, tona ledo natundu nte Alatala, tona aga nompekiri kasana dunia bo ledo nompeili agama, tona nompatesi tina tuamana mboto, bo ka pura-pura topepatesi ntanina.

2 Timotius 3:16

Pura-pura tesa riara Buku Gasa nopuna lako nte Alatala mboto bo noguna mompatuduki anu nakana, mangonteaka tona nasala, mombatulungi tona mompakabelo pokainggura nadaa, bo mompatuduki tona matuvu manoa ri panggita nu Alatala.

Yakobus 1:3

Sabana, nisanimiu ane maroo pomparasayamiu tempo nipesori, komiu majadi maroso bo rapakulemiu mantingayo nuapa-nuapa.

2 Petrus 3:3

Anu nopoko kana ratoramiu, ri tempo napara kaupu nu dunia kana meumba tona nikuasai dota rarara mboto anu nadaa. Ira mompongeika komiu