2 Petrus 1:19 - Kaili Ledo

¹⁹ Naupu nikita kami anu najadi ri bulu haitu, nalanto mpuumo ka kami tesa nipasimbayu nu nabi-nabi nu Alatala nggaulu mpuu-mpuu nakana. Nabelo mpuu ane rapariaramiu tesa nu nabi-nabi haitu, sabana tesara nasimbayu mpo poindo nombavanta kalandana. Pariaramo tesara haitu sampe i Yesus makava mpanjili ri dunia mombavanta komiu ante remeNa, nasimbayu mpo eo bo betue pompaeo nebonda nombavanta dunia.

2 Petrus 1:19 ပူးပေါင်းရင်းမြစ်များ

Matius 4:16

Bara ipia komiu nonturo ri kalandana bo dosa, tapi sii-sii nikitamiumo reme nu Alatala. Bara ipia komiu natuvu naeka ka kamatea, tapi sii-sii komiu nivanta nu rememo.” Yesaya 9:1-2

Yohanes 5:35

I Yohanes Topediu haitu nasimbayu mpo poindo nevangga bo nanggeni reme ka komiu. Bo komiu nadamba mpuu nangepe tesana. Tapi kadamba nu raramiu haitu aga sampalai.

Yohanes 5:39

Komiu natutu neguru isi Buku Gasa sabana niulimiu riara buku haitu rakavamiu katuvua mabelo sampe ri kasae-saena. Tano isi Buku Gasa haitumo anu nompakalanto isema Yaku.

Yohanes 8:12

Naupu haitu nanguli vaimo i Yesus ka todea, “Yakumo hii reme dunia. Isema-sema mangoseaka Yaku ledo matuvu ri kalandana, tapi manggava reme anu mombadekei katuvua mabelo.”

Suro-Suro 15:29

Nee rakandemiu kandea nipesomba ka tupu-tupu ntanina. Nee rakandemiu raa, bo nee rakandemiu bau lako ri binata nikoje, haitumo anu ledo nisuvuraka raana. Bo nee mosampaturu ante tona ledo bereimiu mboto. Ane raoseakamiu atura-atura haitu, nabelomo. Sampe ri siimo ruru isi sura kami.”

Suro-Suro 17:11

Tona ri ngata Berea nabelo rarara, ledo mpo tona ri ngata Tesalonika. Nadamba rarara nangepe kareba i Yesus bo eo-eo niparesara Buku Gasa ala rasanira bara makana tesa i Paulus bara ledo.

Ibrani 2:2

Atura nTupu anu nipapola nu malaeka-malaeka ka totuata nggaulu, nakana bo kana raoseaka. Isema-sema nombaliunaka Atura haitu atau ledo nangoseaka Atura haitu, nikavana pehuku nangoseaka poviana.

Yakobus 2:8

Nabelo pokaingguta ane nioseakata atura nu Magauta anu nibacata riara Buku Gasa ivei: “Potovemo roamiu nasimbayu mpo pompotovemiu karomiu mboto.”

1 Petrus 1:10

Nabi-nabi nu Alatala nggaulu nangelo pakabelo-belo ala rasanira berimba Alatala mompakasalama manusia. Nibotora belo nidekei nu Alatala ka komiu, anu nirasaimiu sii-sii. Nosa Gasa i Kristus riara ntaira nompopaisani ka ira kasusa bo kapari anu mambela ka i Kristus, bo nipopaisaniNa muni kuasa bo kaoge rakava i Kristus maliu kasusa bo kapari haitu. Tapi dopa nisani nu nabi-nabi berimba kadupa nu tesa-tesa nibotora. Haitumo sampe niparesara pakabelo-belo ala rasanira tempona bo berimba kadupana pura-pura anu nibotora haitu.

1 Yohanes 5:10

Isema-sema nomparasaya Ana nu Alatala, nisanina nakana mpuu posabi nu Alatala. Tapi isema-sema ledo nomparasaya Alatala, batuana ia nompopodava Alatala sabana ledo niparasayana posabi nu Alatala nombatesa AnaNa.

3 Yohanes 1:6

Riara podade kami ri sii, nitesara kabelo nu raramu nantulungi ira. Jadi kuperapi, ane mesai vai ira nte iko, tulungimo ira mompapola polipara, ala madamba rara nu Alatala.

Pompakita 2:28

Bo Kudekei ka ira betue Pompaeo.

Pompakita 22:16

“Yaku i Yesus, nombatudu malaekaKu hau mompopaisani petevaiKu hitu ka komiu todea topangoseaka Yaku. Yakumo hii muli bo valaa Magau Daud. Yakumo hii betue pompaeo anu nareme.”