2 Petrus 1:13 - Kaili Ledo

¹³ Nipekiriku ane yaku da natuvu, masipato kupakaroso raramiu ante pepatoraku hitu.

2 Petrus 1:13 ပူးပေါင်းရင်းမြစ်များ

2 Korintus 5:8

Jadi evamo niuliku ri bavona, narosomo rara kami. Kami madambapa mompalaisi karo kami hitu bo hau monturo mosanggani-nggani nte i Pue.

Filipi 1:7

Masipato yaku mantora komiu pura-pura ivesia, apa komiu mpuu-mpuu nipotoveku bo komiu pura-pura nantulungi yaku novia pokarajaa nidekei nu Alatala ka yaku. Komiu nasaro nantulungi yaku, tempo yaku nitarunggu sii-sii, bo muni tempo yaku nanjaliku Kareba Belo bara ipia bo nompakalanto ka tona Kareba Belo mpuu-mpuu nakana.

Filipi 3:10

Naoge mpuu raraku mosisani ante i Kristus bo mombarasai kuasa anu nompakatuvu mpanjili Ia lako ri kamateNa. Bo yaku madota muni mombarasai susa bo pari nasimbayu mpo susa bo pari nirasaiNa, sampe bara yaku muni mamate masimbayu mpo Ia

2 Timotius 1:6

Sabana haitu, kupopatora ka iko, iko kana mpuu-mpuu mompake pompakule nidekei nu Alatala ka iko tempo yaku nosambaya nombadika paleku ri karomu bara ipia.

Ibrani 13:3

Toramo bo tulungimo tona nitarunggu evamo komiu mboto nitarunggu nosanggani-nggani ante ira. Bo toramo bo tulungimo tona nipakasusa sabana pomparasayara, evamo kasusamiu mboto.

2 Petrus 1:12

Jadi sampesuvu-sampesuvu, nisanimiumo pura-pura anu nitesaku pangane, bo komiu naroo nangoseaka pepatuduki nakana anu nitarimamiu. Tapi naupa ivesia, yaku bate-batena mompopatora ka komiu pura-pura anu nitesaku haitu.

2 Petrus 1:14

Apa nisanikumo domo masae yaku mamate, nangoseaka anu niuli nTuputa Yesus Kristus ka yaku.

2 Petrus 3:1

Sampesuvu-sampesuvu nipotoveku, hitumo suraku karanduana ka komiu. Riara suraku karanduana hitu muni yaku nompasimbuku mompopatora ka komiu pepatuduki nakana ala pekirimiu batena magasa.