2 Korintus 9:7 - Kaili Ledo

⁷ Pura-pura tona kana simbo mombadekei nangoseaka anu nipakatantu riara ntaina mboto. Nee monggai rara mombadekei bo nee muni mombadekei sabana nirasai aga nipasuu. Sabana, Alatala nompotove tona nombadekei ante rara nadamba.

2 Korintus 9:7 ပူးပေါင်းရင်းမြစ်များ

Suro-Suro 20:35

Riara mpengaya-ngaya, katuvuaku najadi jonjo ka komiu, haitumo, kita kana mokarajaa ala rapakuleta mombatulungi tona ledo nompakule nokarajaa. Kita kana mompariara tesa i Pue Yesus anu nanguli: ‘Nadambapa tona nombadekei pade tona nantarima.’ ”

Roma 12:8

Isema-sema nidekeika pompakule mompakaroso rara ntona ntanina, kana rapakarosona mpuu-mpuu. Isema-sema nidekeika pompakule mombadekei anu naria nte ia ka tona ntanina, kana radekeina ante joi rarana. Isema-sema nidekeika pompakule manggeniaka todea, kana rakeniakana ira ante rarana mpuu-mpuu. Isema-sema nidekeika pompakule mompoasi tona nandasa, kana rapoasina ante damba rarana.

2 Korintus 8:12

Apa ane rarata mpuu-mpuu mombadekei, pedekeita haitu ratarima nu Alatala nangoseaka anu naria nte kita, ledo nangoseaka anu ledo ria nte kita.

Filemon 1:14

Tapi ledo kupokono mantaamaka ia ane ledo mupodota. Nipokonokupa iko movia anu nabelo haitu lako ri kavoe raramu mboto, bo ledo aga nipasuu.

Yakobus 5:9

Nee mongalu bo mosipakasala, ala komiu ledo rahuku nu Alatala. Toramo! Domo masae makavamo Ia mombatangara manusia.

1 Petrus 4:9

Komiu kana majole mantarima torata riara banuamiu bo nemo mongau-ngau.