2 Korintus 9:13 - Kaili Ledo

¹³ Apa ane rakitara pedekei petulungimiu haitu, ira mantoiya bo mombabila Alatala, sabana rakitara komiu mpuu-mpuu nomparasaya Kareba Belo i Kristus bo natundu nte parentaNa. Bo ratoiyara Alatala sabana komiu ledo mpuu natove raramiu nobagi ka ira bo ka tona ntanina anu naria nte komiu.

2 Korintus 9:13 ပူးပေါင်းရင်းမြစ်များ

Matius 5:16

Ivesia muni reme anu naria riara ntaimiu, nee ratabuniaka! Komiu kana matuvu ante pokainggu nabelo ala tona ntanina mamala manggita pokainggumiu haitu bo mantoiya Tuamamiu ri suruga.”

Matius 9:8

Nanggita kajadia haitu naekamo rara ntodea ri sia. Bo nitoiyara Alatala sabana nidekeiNa kuasa nambaso eva haitu ka manusia.

Lukas 6:46

Nangulimo i Yesus, “Nakuya komiu noronde Yaku ‘Pue, Pue’ tapi ledo nioseakamiu parentaKu?

Yohanes 15:8

Ane komiu movua madea, natantu komiu mpuu-mpuu anaguruKu. Bo poviamiu haitu mompopakita kaoge nTuamaKu ka tona.

Suro-Suro 11:18

Tempo tona nasiromu ri sia nangepe tesa i Petrus, domo ira nebali. Ira nosanggani-ngganimo nantoiya Alatala. Niulira, “Ane ivesia tano, todea ledo toYahudi muni nipaloga nu Alatala majea lako ri dosa-dosara bo mantarima katuvua nabelo sampe ri kasae-saena!”

Suro-Suro 4:21

Ledo nikava ntopolibu anu masipato rahuku ka i Petrus bo Yohanes. Jadi niparanggara vaimo randua suro haitu pade nikabasakaramo, sabana naeka ira ka todea. Apa pura-pura todea nantoiya Alatala sabana kabaraka haitu.

Roma 10:16

Tapi ledo pura-pura tona nomparasaya Kareba Belo haitu. Naria tesa Nabi Yesaya nggaulu nanguli ivei: <> Yesaya 53:1

Roma 12:8

Isema-sema nidekeika pompakule mompakaroso rara ntona ntanina, kana rapakarosona mpuu-mpuu. Isema-sema nidekeika pompakule mombadekei anu naria nte ia ka tona ntanina, kana radekeina ante joi rarana. Isema-sema nidekeika pompakule manggeniaka todea, kana rakeniakana ira ante rarana mpuu-mpuu. Isema-sema nidekeika pompakule mompoasi tona nandasa, kana rapoasina ante damba rarana.

Roma 15:31

Posambayamo ala yaku ledo rapakadaa ntoYahudi ri bagia Yudea anu ledo nomparasaya i Yesus. Bo posambayaka munimo ala topomparasaya ri Yerusalem mantarima mabelo doi petulungi kukeni hitu.

Roma 16:26

Tapi ri tempo sii-sii, nia haitu nipopaisani ka kita riara buku nitulisi nu nabi-nabi nggaulu. Bo Alatala anu natuvu sampe ri kasae-saena, nantudu ala niaNa haitu rapopaisani ka tona ri umba-umba ala pura-pura manusia mamala momparasaya bo matundu nte i Kristus.

2 Korintus 10:5

Ante kuasa nu Alatala kami nompakule nombadagi pekiri ntopangeva pepatuduki nakana, pekiri ntona nasombo, bo pekiri ntona anu nombalava tona ntanina mosisani nte Alatala. Ante kuasa lako nte Alatala kami nanggeni ira nombabali pekirira sampe ira natundu nte i Kristus.

2 Korintus 2:12

Kapolana, tempo yaku nakava ri ngata Troas mompatolele Kareba Belo i Kristus, i Pue nombadekei ka yaku loga nabelo mokarajaa hamai.

2 Korintus 8:4

Dotara mboto, ira nerapi nte kami ante rarara mpuu-mpuu ala ira muni radekeika loga mombatulungi topomparasaya napakasi ri bagia Yudea.

2 Korintus 9:14

Bo ira mosambayani komiu ante tovera apa pepotove nu Alatala anu nikita riara nggatuvumiu mpuu-mpuu naoge.

Galatia 1:24

Bo nitoiyara Alatala sabana anu najadi ante yaku.

1 Timotius 6:12

Pasimbukumo mpuu-mpuu mangoseaka pepatuduki i Kristus. Kingisi pakarosomo katuvu nabelo sampe ri kasae-saena. Apa patuju nu Alatala nompokio iko majadi todeaNa ala mukava katuvu nabelo haitu tempo nipangakumu pomparasayamu i Kristus ri ngayo ntodea.

1 Timotius 6:13

Jadi, ri ngayo nu Alatala, anu nompakatuvu pura-pura anu naria, bo ri ngayo i Yesus Kristus anu nabia nompangaku tesa nakana ri ngayo i Pontius Pilatus, kuuli ka iko ivei:

Ibrani 10:23

Kita kana bate-batena manjarumaka i Yesus, kita nangaku Iamo Tuputa. Nee molengga-lengga apa nisanita Alatala namala raparasaya mompakadupa pojanjiNa.

Ibrani 13:16

Bo nee rakalingasita mositulungi bo movia anu nabelo, sabana haitu muni nireke pesombata anu nompakadamba rara nu Alatala.

Ibrani 3:1

Jadi, sampesuvu-sampesuvuku anu nipelisi nu Alatala bo nipokioNa matuvu mabelo ri suruga. Pekirimo pakabelo-belo i Yesus hitu. Ia nisuro nu Alatala najadi Pakeni nTopanggeni Pesomba ri agama nioseakata.

Ibrani 4:14

Jadi nariamo Pakeni nTopanggeni Pesomba anu naoge mpuu, Iamo i Yesus, Ana nu Alatala. Ia noliu ri langi bo nesua ri suruga ri ngayo nu Alatala ala mantulungi kita. Jadi kita kana maroo momparasaya bo nee menonto mangaku i Yesusmo Tuputa.

Ibrani 5:9

Naganapa pura-pura haitu nirasaiNa, Ia najadi puna katuvua nabelo sampe ri kasae-saena ka pura-pura tona matundu nte Ia.

1 Petrus 2:9

Tapi sampesuvu-sampesuvu, komiu ledo mpo ira haitu. Komiumo todea nipelisi nu Alatala. Komiumo nipelisi majadi mpo topanggeni pesomba anu mantulungi magau. Komiumo todeaNa nipatani ka Ia, komiumo najadi bagiaNa. Komiu nipelisi nu Alatala mompatolele panggaviaNa anu nipokumaaka ka tona ntanina. Iamo nompokio komiu mesuvu lako ri kalandana ala matuvu riara karemeNa anu nabelo mpuu.

1 Petrus 4:11

Jonjona, isema-sema nidekeika pompakule mompasimbayu Tesa nu Alatala kana motesa mpo tona niposumba nu Alatala mboto. Isema-sema nidekeika pompakule mantulungi tona ntanina, kana mantulungi ante karoso nidekei nu Alatala ka ia. Pakemo pompakule-pompakule haitu ala nau damo nuapa majadi, Alatala ratoiya bo rabila sabana anu nipovia i Yesus Kristus ri katuvumiu. Alatalamo nakuasa bo masipato ratoiya bo rabila sampe ri kasae-saena. Amin!