2 Korintus 9:11 - Kaili Ledo

¹¹ Alatala mombadekei mpengaya-ngaya belo ka komiu ala komiu batena mompakule mombadekei ka tona ntanina. Bo tempo kami manggeni pedekeimiu haitu ka tona napakasi ri bagia Yudea, madea tona manguli tarima kasi ka Alatala.

2 Korintus 9:11 ပူးပေါင်းရင်းမြစ်များ

Matius 20:15

Ledo mamala yaku movia anu nipodotaku ante doiku mboto? Bara nasiriati komiu nanggita yaku movia nabelo ka tona ntanina?’ ”

Matius 25:17

Ivesia muni tona anu niparasayaka ronjobu mpeka doi bulava hau nipagolina doina haitu sampe nikavana anana ronjobu mpeka muni.

Roma 12:8

Isema-sema nidekeika pompakule mompakaroso rara ntona ntanina, kana rapakarosona mpuu-mpuu. Isema-sema nidekeika pompakule mombadekei anu naria nte ia ka tona ntanina, kana radekeina ante joi rarana. Isema-sema nidekeika pompakule manggeniaka todea, kana rakeniakana ira ante rarana mpuu-mpuu. Isema-sema nidekeika pompakule mompoasi tona nandasa, kana rapoasina ante damba rarana.

1 Korintus 1:5

Katuvumiu nipakasugiNa riara mpengaya-ngaya sabana komiu nosangu rara ante i Yesus Kristus. NidekeiNa ka komiu kapande notesa bo mpengaya-ngaya pangisani nabelo.

2 Korintus 1:11

Nisani kami ane komiu muni mantulungi mosambayaka kami, Alatala bate-batena mompakasalama kami riara kasusa. RadekeiNa belo ka kami sabana madea tona mosambaya ka kami. Bo madea tona manguli tarima kasi ka Ia ane rakitara nipoiyoNa pomperapira ka kami.

2 Korintus 4:15

Pura-pura kasusa nirasai kami haitu, nanggeni belo ka komiu. Apa ane mantambai kadea ntona mombarasai pepotove nu Alatala, mantambai kadea ntona mosukuru nte Ia, sampe Ia mpuu-mpuu ratoiya bo rabila.

2 Korintus 8:16

Kami nosukuru nte Alatala sabana Ia nompakaoge rara i Titus mompekirika kabelomiu nasimbayu mpo kami mboto.

2 Korintus 8:19

Ledo aga haitu, tapi ia muni nipelisi ntodea topomparasaya momporoa kami riara polipa kami hau ri bagia Yudea manggeni doi petulungi haitu. Patuju nu polipa kami haitu ala Alatala rabila bo ratoiya ntona, bo ala rasani ntona kaoge nu rara kami mantulungi sampesuvuta napakasi.

2 Korintus 9:12

Jadi petulungi nidekeimiu haitu ledo aga mombatulungi todea topomparasaya anu napepa, tapi manggeni madea tona manguli tarima kasi ka Alatala.