2 Korintus 9:10 - Kaili Ledo

¹⁰ Alatala nombadekei savua ka toposavu, bo nidekeiNa asele poviata rakandeta. Bo ivesia muni radekeiNa ka kita anu rapaketa mombatulungi tona ntanina, bo ratambaikiNa ala madeapa mpuu asele lako ri kabelo rarata.

2 Korintus 9:10 ပူးပေါင်းရင်းမြစ်များ

Matius 6:1

“Toramo, ane komiu movia ada-ada nu agama, nemo rapopakita ri ngayo ntodea. Apa ane ivesia pokainggumiu, komiu ledo ntoto manggava belo lako nte Alatala, Tuamamiu ri suruga.

2 Korintus 9:12

Jadi petulungi nidekeimiu haitu ledo aga mombatulungi todea topomparasaya anu napepa, tapi manggeni madea tona manguli tarima kasi ka Alatala.

2 Korintus 9:6

Pariaramo tesaku hitu: tona nosavu sakide, sakide muni rasombena. Bo tona nosavu nadea kana madea muni rasombena.

Galatia 3:5

Alatala najoi raraNa nompopanau Nosa GasaNa ka komiu bo nipoviaNa kabaraka-kabaraka ri tatangamiu. Jadi berimba? NipoviaNa pura-pura haitu sabana komiu nangoseaka Atura agama? Tantu ledo! NipoviaNa pura-pura haitu sabana komiu nangepe bo nomparasaya Kareba Belo i Kristus!

Efesus 5:9

Apa inggu ntona anu natuvu ri karemena nabelo bo nanoa bo ia namala raparasaya.

Filipi 1:11

Bo pokainggumiu mpuu-mpuu majadi mabelo bo manoa sabana pokarajaa i Yesus Kristus riara nggatuvumiu, sampe madea mpuu tona mombabila bo mompakaoge Alatala.

Filipi 4:17

Yaku ledo aga madota mantarima pedekeimiu. Tapi yaku madota ala belo ratambai ka komiu lako ri poviamiu nabelo haitu.

1 Tesalonika 3:12

Kami nerapi ala i Pue mantambai tovemiu sampe komiu mpuu-mpuu mosimpotove bo mompotove pura-pura tona, nasimbayu mpo kami mpuu-mpuu nompotove komiu.

1 Tesalonika 4:10

Bo komiu nosimpotovemo nte pura-pura sampesuvu sampomparasaya ri njumangu propinsi Makedonia. Tapi kami mpuu-mpuu merapi nte komiu, tambaipa posimpotovemiu haitu!