2 Korintus 8:9 - Kaili Ledo

⁹ Ledo paraluu kuparenta komiu apa nisanimiu mboto kambaso pepotove nTuputa i Yesus Kristus ka kita. Naupa Ia mpuu-mpuu nakalumana, nikabasakaNa pura-pura kakalumanaNa haitu ala mantulungi kita. Ia najadi manusia napakasi ala kita mamala majadi nakalumana ri panggita nTupu.

2 Korintus 8:9 ပူးပေါင်းရင်းမြစ်များ

Matius 17:27

Tapi nau ivesia, nee kita mompakakodi rara ntona haitu. Agina komiu hau momeka ri rano. Alamo bau pamulana ramekamiu. Riara ngangana mukava sampeka doi anu magana rapombayari balasiteeta randua. Kenimo doi haitu bo bayarimo balasiteeta ka Banua nu Alatala.”

Matius 20:28

masimbayu eva Yaku, Ana nu Manusia. Yaku ledo nakava ri dunia hitu ala ratande ntona, tapi ala mombatulungi tona, bo mombadekei karoKu rapatesi mantolo dosa ntona dea.”

Matius 8:20

Nesana i Yesus, “Asulaku naria bolona rapaturuna bo tonji naria jumuna, tapi Yaku, Ana nu Manusia, ledo ria ponturoKu natantu Kupaturu.”

Markus 6:3

Apa ledo Ia aga pande kayu, ana i Maria bo tuaka i Yakobus, Yoses, Yudas bo i Simon? Bo tueiNa mombine naria muni ri tatangata ri sii!>> Jadi naduamo rarara bo nipoarara pepatudukiNa.

Lukas 16:11

Jadi ane komiu ledo namala niparasaya ante kakalumana ri dunia nadaa hitu, isema momparasaya komiu ante kakalumana nabelo ri suruga?

Lukas 2:7

Ia noanaka saito ngana langgai, ana lumbua. Ngana haitu nibunguna ante kae lampi, pade nidulina riara potande kandea binata, sabana ledo ria paturu ka ira ri banua pesaira haitu.

Lukas 8:3

Naria muni i Yohana, berei i Khuza tona nipomboli doi Magau Herodes. Bo naria muni i Susana bo da nadeapa mombine ntanina. Mombine gahaitu nompake doira mboto nantulungi i Yesus bo ana-anaguruNa.

Lukas 9:58

Pade nesana i Yesus, “Asulaku naria bolona bo tonji naria jumuna, tapi Yaku, Ana nu Manusia ledo ria banuaKu Kupaturu.”

Yohanes 1:10

Tesa nu Alatala naria mamimo ri dunia, tapi nau Ia nipopale nu Alatala nompajadi dunia, manusia ri dunia ledo nadota nangisaniNa.

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Yohanes 1:17

Lako nte Nabi Musa nitarimata Atura-atura agama. Tapi lako nte i Yesus Kristus sampe mpuu-mpuu nisanita Alatala bo toveNa ka kita.

Yohanes 12:30

Jadi nanguli i Yesus ka ira, “Tesa niepemiu pangane ledo aga mompakaroso raraKu, tapi mompakaroso raramiu.

Yohanes 16:15

Pura-pura anu naria nte TuamaKu, anuKu pura. Haitumo sampe niuliKu ka komiu, anu nitarima nu Nosa Gasa lako nte Yaku, haitumo rapopaisaniNa ka komiu.”

Yohanes 17:19

Tata, Kudekei katuvuKu ka Komiu bo novia dotaMiu, ala manggeni belo ka anaguruKu, haitumo ala ira mpuu-mpuu mangoseaka pepatuduki nakana bo majadi todeaMiu nagasa.”

Roma 11:12

Deanapa toYahudi nesapuaka bo nompoara i Kristus. Sabana haitu, nadea tona ledo toYahudi nanggava belo lako nte Alatala. Jadi, ane tona ntanina nanggava belo sabana pesapuaka ntoYahudi, nemopa ane toYahudi majea bo momparasaya! Natantu melabi kadea belo rakavara.

Roma 15:3

Apa i Kristus muni ledo aga nangelo kasana nu raraNa mboto, tapi Ia nompasimbuku nompakasana rara nu Alatala nau nisalai ntona. Riara Buku Gasa naria tesa nombaboto anu rauli i Yesus ivei: <>

Roma 5:8

Tapi ledo ivesia tove nu Alatala. Alatala nompopakita kambaso nu toveNa ka kita tempo kita da nadosa. Apa tempo kita da nadosa, i Kristus namate manjambei kita.

Roma 8:32

Ledo natove raraNa nte AnaNa mboto, nidekeiNa rapatesi mantolo dosata. Sabana haitu, nisanita kana radekeiNa muni ka kita mpengaya-ngaya anu niparaluuta ante joi raraNa.

1 Korintus 1:4

Yaku ledo nenonto nanguli tarima kasi nte Alatala, sabana kabelo raraNa nte komiu anu nosangu rara ante i Yesus Kristus.

1 Korintus 15:47

Manusia paratama haitu nipajadi lako ri tana bo nonturo ri dunia hitu. Tapi i Kristus, anu nireke i Adam karanduana, nopuna lako ri suruga.

2 Korintus 6:10

Nau kami nasaro nipakasusa, tapi kami batena nadamba. Kami napakasi, tapi kamimo anu nanggeni belo ka tona nadea. Nikita eva ledo ria nuapa-nuapa nte kami, tapi kakanana mpengaya-ngaya naria nte kami.

Efesus 2:7

Alatala novia ivesia ala ri tempo makava bo sampe ri kasae-saena, manusia manggita kaoge nu toveNa bo kabelo nu raraNa anu ledo ria kasimbayuna. ToveNa bo kabelo raraNa haitu nipopakitaNa ka kita ante anu nipovia i Yesus Kristus.

Efesus 3:8

Yaku natueipa pade pura-pura todea nu Alatala ntanina. Tapi naupa ivesia, Alatala nabelo mpuu nte yaku bo nidekeiNa ka yaku pokarajaa mompatolele Kareba Belo ka komiu tona ledo toYahudi. Kareba haitu notesaki kabelo i Kristus anu naoge mpuu, ledo rapakuleta mombarekena.

Kolose 1:24

Sampesuvu-sampesuvu, sii-sii nadamba raraku nombarasai susa bo pari nikavaku sabana yaku nokarajaa nantulungi komiu. Apa yaku nombadupai ri karoku susa bo pari nipakatantu i Kristus kana kurasai. Bo susa bo pari nirasaiku nanggeni belo ka todea topomparasaya. Pura-pura kita topomparasaya nirapaka karo i Kristus.

1 Timotius 6:18

Popatoramo tona nakalumana, mokainggu mabelo ala pokainggura nabelo haitu majadi kakalumanara. Ira kana majoi rara bo masadia mombatulungi tona ntanina.

Ibrani 1:2

Tapi ri tempo nggapuri hitu AnaNa mbotomo nompasimbayu tesaNa ka kita. AnaNa haitu nipopale nu Alatala nompajadi dunia, bo Alatala nompakatantu AnaNa haitumo masipato majadi tupuna pura-pura anu naria.

Yakobus 2:5

Sampesuvu-sampesuvu nipotoveku, epemo pakabelo-belo! Tona napakasi ri dunia hitu nipelisi nu Alatala. Nau ledo nadea kakalumanara ri dunia hitu, ira nipelisi nu Alatala majadi tona naoge pomparasayara. Iramo majadi todea riara Poparenta nu Alatala nangoseaka anu nijanjiNa ka tona nompotove Ia.

Pompakita 2:9

NisaniKu kasusa bo kapari nirasaimiu. NisaniKu komiu mpuu-mpuu napepa, tapi kakanana komiu nakalumana riara pomparasayamiu. NisaniKu komiu nisalai ntona anu nompangaku karona toYahudi tano ledo nakana. Ira aga todea nu Magau nu Seta.

Pompakita 21:7

Isema-sema padagi, rakavana pura-pura anu niuliKu pangane. Bo Yakumo majadi Alatalara bo ira majadi anaKu.

Pompakita 3:18

Haitu sampe Kutevai ka komiu ivei: Alimo bulava nipakagasa riara apu lako nte Yaku ala komiu mpuu-mpuu makalumana ri panggitaKu. Bo ali munimo pakea mputi lako nte Yaku, ala komiu mamala mopakea bo ledo maeya matamiu rakita ntona komiu novuloa. Bo ali munimo pakuli ragese ri matamiu ala komiu mamala mekita mpanjili.