2 Korintus 8:4 - Kaili Ledo

⁴ Dotara mboto, ira nerapi nte kami ante rarara mpuu-mpuu ala ira muni radekeika loga mombatulungi topomparasaya napakasi ri bagia Yudea.

2 Korintus 8:4 ပူးပေါင်းရင်းမြစ်များ

Matius 10:42

Bo isema-sema nombatulungi topangoseaka Yaku sabana ia mpuu-mpuu nangoseaka Yaku, tona haitu manggava tambona bara maipia. Pariaramo tesaKu hitu, nau aga mombadekei uve ranindi ka saito topangoseaka Yaku anu ledo ria nturona, ia kana manggava tambona.”

Matius 12:50

Apa, isema-sema novia dota nTuamaKu ri suruga, ia haitumo nireke sampesuvuKu bo tinaKu.”

Matius 25:40

Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Markus 14:7

Tona napakasi nasaro naria ri tatangamiu bo komiu mamala mantulungi ira maipia tempo rapodotamiu. Tapi Yaku hii, ledo bate-batena mosanggani ante komiu.

Suro-Suro 11:29

Nangepe haitu, pura-pura topangoseaka i Yesus ri Antiokhia, nasintuvu mompakatu petulungi ka sampesuvura sampomparasaya anu nonturo ri bagia Yudea. Ira nombadekei nantuntuni pompakulera saito-saito.

Suro-Suro 16:15

Naupu haitu i Lidia sambanua nidiu, tandana ira topangoseaka i Yesus. Naupu ira nidiu, i Lidia nombagaga kami hau ri banuana. Niulina, “Nikitamiu yaku hii mpuu-mpuu nomparasaya i Pue Yesus. Jadi kamaimo monturo ri banua kami.” Nipasimbukuna kami hau ri banuana.

Suro-Suro 24:17

Nasaemo yaku nompalaisi ngata Yerusalem. Tapi dopa nasae hitu, yaku nanjili hau ri ngata Yerusalem nanggeni doi petulungi ka tona napakasi ri sia, bo muni yaku madota mombadekei pesombaku ka Alatala.

Roma 15:31

Posambayamo ala yaku ledo rapakadaa ntoYahudi ri bagia Yudea anu ledo nomparasaya i Yesus. Bo posambayaka munimo ala topomparasaya ri Yerusalem mantarima mabelo doi petulungi kukeni hitu.

1 Korintus 16:1

Kapolana, sampesuvu-sampesuvu, kutesa doi rapasiromumiu mombatulungi sampesuvuta sampomparasaya napakasi ri ngata Yerusalem. Kana rapoviamiu mpo niparentaku ka todea topomparasaya ri ngata Galatia.

1 Korintus 16:15

Sampesuvu-sampesuvu, natantu nisanimiumo i Stefanus sambanua. Ira tona pamulana nomparasaya i Yesus ri propinsi Akhaya, bo ira nompasimbuku ante mpuu-mpuu rarara mantulungi todea nu Alatala. Jadi sampesuvu-sampesuvu, kuperapi nte komiu ante mpuu-mpuu raraku,

2 Korintus 9:1

Kakanana ledo paraluu ntoto kutulisi ka komiu doi petulungi ka topomparasaya napakasi ri Yudea.

Galatia 2:10

Aga sangaya niperapira, haitumo ala kami ledo menonto mantulungi tona napakasi. Bo haitumo bago nipooge raraku bo nipoviaku mpuu-mpuu.

Galatia 6:10

Jadi tempo da naria loga kita kana movia anu nabelo ka pura-pura tona, nelabipa ka sampesuvuta sampomparasaya.

1 Timotius 5:10

Bo nisani ntonamo pokaingguna nabelo. Jonjona: nipakambasona pakabelo anana, nadamba rarana nantarima torata riara banuana, nijampangina topomparasaya, nitulungina tona nasusa, bo ia nabiasamo novia mpengaya-ngaya anu nabelo.

Ibrani 6:10

Alatala ledo natenggo raraNa, Ia ledo malinga raraNa ante poviamiu bo pepotovemiu. Nipopakitamiu tovemiu ka Ia tempo komiu nombatulungi sampesuvumiu sampomparasaya, nompamula lako ri nggauluname sampe sii-sii.