2 Korintus 8:3 - Kaili Ledo

³ Nikitaku mboto ira nodekei, ledo aga nangoseaka pompakulera, tapi nelabi lako ri pompakulera.

2 Korintus 8:3 ပူးပေါင်းရင်းမြစ်များ

Markus 14:8

Mombine hitu novia anu nipakulena. Ia nombatoli lana dupa ka Yaku mompakasadia karoKu ratana.

Suro-Suro 11:29

Nangepe haitu, pura-pura topangoseaka i Yesus ri Antiokhia, nasintuvu mompakatu petulungi ka sampesuvura sampomparasaya anu nonturo ri bagia Yudea. Ira nombadekei nantuntuni pompakulera saito-saito.

Roma 10:2

Yaku nosabiki, ira mpuu-mpuu madota mompakadamba rara nu Alatala. Tapi ledo nisanira mpuu dala nakana mompakadamba raraNa.

1 Korintus 16:2

Haitumo, ri eo-eo Aka saito-saito komiu simbo kana mompatani sabagia lako ri doi panggavamiu nangoseaka kadea nu asele nikavamiu. Bo doi haitu kana rabolimiu sampe yaku tou nte komiu. Nee damo makava yaku ri situ pade rapasiromumiu doi haitu.

1 Korintus 9:17

Ane rapana dotaku mboto mompatolele Kareba haitu, tantu masipato yaku manggava tambo. Tapi ledo ivesia yaku. Yaku nompatolele Kareba Belo, ledo lako ri dotaku mboto. Bara kupodota bara ledo, kana kupatolele Kareba Belo apa haitumo pokarajaa niparasaya nu Alatala ka yaku.

Galatia 4:15

Tempo haitu nasana mpuu raramiu nte yaku. Tapi nakuya sii-sii domo nasana raramiu nte yaku? Bara ipia nisaniku komiu mpuu-mpuu nasadia mantulungi yaku. Ane rapana mamala, nau matamiu mboto radekeimiu rasui ka yaku.

Filipi 2:13

Apa Alatala mbotomo nokarajaa riara ntaimiu nombadekei ka komiu dota rara bo pompakule mangoseaka dotaNa.

Kolose 4:13

Yaku mboto nanggita ia nokarajaa ante mpuu-mpuu rarana nantulungi komiu anu nonturo ri ngata Kolose bo tona nonturo ri ngata Laodikia bo ngata Hierapolis muni.

1 Tesalonika 2:8

Nambaso mpuu tove kami nte komiu, sampe kami nadamba nompatolele Kareba Belo ka komiu. Bo kami muni nasadia mantulungi komiu nau kami mamate, sabana kami mpuu-mpuu nompotove komiu!

Filemon 1:14

Tapi ledo kupokono mantaamaka ia ane ledo mupodota. Nipokonokupa iko movia anu nabelo haitu lako ri kavoe raramu mboto, bo ledo aga nipasuu.

1 Petrus 4:11

Jonjona, isema-sema nidekeika pompakule mompasimbayu Tesa nu Alatala kana motesa mpo tona niposumba nu Alatala mboto. Isema-sema nidekeika pompakule mantulungi tona ntanina, kana mantulungi ante karoso nidekei nu Alatala ka ia. Pakemo pompakule-pompakule haitu ala nau damo nuapa majadi, Alatala ratoiya bo rabila sabana anu nipovia i Yesus Kristus ri katuvumiu. Alatalamo nakuasa bo masipato ratoiya bo rabila sampe ri kasae-saena. Amin!

1 Petrus 5:2

ala komiu mompiara todea nu Alatala anu niparasayaka komiu, nasimbayu mpo topoevu nompiara bimba-bimbana. Piaramo ira ante damba rara, nangoseaka dota nu Alatala, nemo mpo tona nipasuu. Bo nee aga mangelo untu ka karomiu mboto, tapi tuimo pokarajaa haitu sabana komiu mpuu-mpuu madota mantulungi todea topomparasaya.