2 Korintus 8:23 - Kaili Ledo

²³ I Titus hii roaku sampokarajaa mantulungi komiu. Bo randua sampesuvuta ntanina anu momporoa ia, nisuro ntodea topomparasaya, bo nadea mpuu tona nombabila bo nombatoiya i Kristus sabana katuvu nu sampesuvuta randua haitu.

2 Korintus 8:23 ပူးပေါင်းရင်းမြစ်များ

Lukas 5:10

Ivesia muni roa i Simon, haitumo i Yakobus bo i Yohanes, ana i Zebedeus. Nanguli i Yesus ka i Simon, “Nee maeka. Komiu topebau mami, tapi nompamula sii-sii komiu mompaelo tona bo mompatuduki ira mangoseaka Yaku.”

Lukas 5:7

Sabana haitu, ira nekitulungi nte roara ri sakaya ntanina, “Kamai ruru, le! Tulungimo kami!” Nakavamo roara bo nosanggani-nggani nombakosini bau riara sakaya randua haitu. Naponu pura sakaya randua nikosinira bau sampe sakaya sakidepa natala.

Yohanes 13:16

Pariaramo tesaKu hitu, batua ledo naogepa pade madikana. Ivesia muni tona nitudu ledo naogepa pade topetudu.

1 Korintus 11:7

Ledo masipato langgai mombabonggo balenggana tempo nosambaya atau nompasimbayu tesa nu Alatala, sabana ia nipajadi mpo polenje nu Alatala mboto ala kaoge nu Alatala rakita. Tapi mombine nipajadi ala kaoge nu langgai rakita.

2 Korintus 12:18

Nituduku i Titus tou nte komiu bara ipia nosanggani-nggani ante sampesuvuta ntanina. Nariamo i Titus nombaakalani komiu? Natantu ledo! Nisanimiu mbotomo kami randua nosangu rara bo pokainggu kami nasimbayu.

2 Korintus 7:6

Tapi Alatala nompakaroso rara ntona naupu rarana, bo nipakarosoNa rara kami muni ante kakava i Titus.

2 Korintus 8:16

Kami nosukuru nte Alatala sabana Ia nompakaoge rara i Titus mompekirika kabelomiu nasimbayu mpo kami mboto.

2 Korintus 8:18

Bo nitudu kami muni saito sampesuvuta ntanina momporoa i Titus riara polipana tou nte komiu. Sampesuvuta haitu mpuu-mpuu nibila ntopomparasaya sabana pokarajaana nompatolele Kareba Belo.

2 Korintus 8:19

Ledo aga haitu, tapi ia muni nipelisi ntodea topomparasaya momporoa kami riara polipa kami hau ri bagia Yudea manggeni doi petulungi haitu. Patuju nu polipa kami haitu ala Alatala rabila bo ratoiya ntona, bo ala rasani ntona kaoge nu rara kami mantulungi sampesuvuta napakasi.

2 Korintus 8:22

Nitudu kami munimo saitopa sampesuvu ntanina mosangganika gi Titus. Nadea ngganimo nipopakitana kaoge nu rarana mantulungi tona ntanina. Bo sii-sii naoge mpuu rarana mantulungi komiu mompasiayu pompasiromu doi petulungi haitu, sabana ia mpuu-mpuu nanjarumaka komiu muni madota mombatulungi tona napakasi.

2 Korintus 8:6

Jadi kami nerapi nte i Titus ala ia manjili tou nte komiu. Iamo anu nompamula bago nompasiromu doi petulungi haitu nte komiu bara ipia. Jadi haitumo sabana ia nitudu kami mompapola pokarajaa nabelo haitu.

Filipi 2:25

Ane sampesuvuta i Epafroditus, anu nitudumiu bara ipia tumai mombatulungi yaku, nipekiriku kana kutudu manjili tou nte komiu vai ia. Ia roaku sampokarajaa anu nosanggani-nggani ante yaku nompatolele Kareba Belo i Kristus nau nieva ntona.

Filipi 4:3

Bo kuperapi muni nte vega rapaku i Sunsugos, tulungimo mombine randua pangane ala ira mosangu rara mpanjili. Ira nokarajaa ntamo ante yaku nompatolele Kareba Belo nasimbayu mpo i Klemens bo roa-roaku ntanina sampokarajaa. Sangara nitulisi riara Buku Katuvua, anu nompakatantu isema masipato matuvu mabelo sampe ri kasae-saena.

Kolose 1:7

Kabelo nu Alatala niepemiu lako nte i Epafras, roa kami sampokarajaa nipotove kami. Ia batua i Kristus anu natutu nokarajaa nantulungi komiu.

1 Tesalonika 2:2

Dopame kami nakava ri ngatamiu, kami mpuu-mpuu nipandasa bo nipakadaa ntona ri ngata Filipi. Nisanimiumo tesana. Nau nadea tona nangeva kami, tapi Tuputa nompakaroso rara kami ala kami ledo maeka mompatolele Kareba BeloNa ka komiu ri ngata Tesalonika.

2 Timotius 4:10

apa domo nadea tona nomporoa yaku. I Demas nompalaisi yaku sabana ia aga nompotove katuvuna ri dunia hitu. Nalai rou ri ngata Tesalonikamo ia. Bo i Kreskes rou ri propinsi Galatia, bo i Titus rou ri bagia Dalmatia.

Titus 1:4

Titus, iko mpuu-mpuu mpo anaku mboto, apa kita sampomparasaya. Kuperapi Tuamata Alatala bo i Yesus Kristus, Topompakasalama kita, mombadekei belo bo katinonto ka iko.

Filemon 1:17

Jadi, ane nirekemu yaku roamu sampomparasaya, kuperapi nte iko, tarima mpanjilimo i Onesimus nasimbayu mpo pantarimamu yaku.

Filemon 1:24

Tarima muni tabe lako nte roaku sampokarajaa, haitumo i Markus, i Aristarkhus, i Demas bo i Lukas.

3 Yohanes 1:8

Jadi, masipato kita topomparasaya mombatulungi ira, bo ane nitulungita ira, nasimbayu mpo niporoata muni ira nompatolele pepatuduki nakana lako nte Alatala.