2 Korintus 8:12 - Kaili Ledo

¹² Apa ane rarata mpuu-mpuu mombadekei, pedekeita haitu ratarima nu Alatala nangoseaka anu naria nte kita, ledo nangoseaka anu ledo ria nte kita.

2 Korintus 8:12 ပူးပေါင်းရင်းမြစ်များ

Matius 25:17

Ivesia muni tona anu niparasayaka ronjobu mpeka doi bulava hau nipagolina doina haitu sampe nikavana anana ronjobu mpeka muni.

Matius 25:22

Bo nakava munimo batua anu niparasayaka ronjobu mpeka doi bulava. Nanguli ia, ‘Pua, komiu nomparasaya ka yaku ronjobu mpeka doi bulava bara ipia. Peinta vei. Nipagoliku doi haitu sampe nanggava anana ronjobu mpeka.’

Lukas 16:10

Tona namala niparasaya ante mbara-mbara sakide, namala muni niparasaya ante mbara-mbara nadea. Tapi ane ia ledo nokainggu nanoa ante mbara-mbara sakide, ia ledo mokainggu manoa ante mbara-mbara nadea.

2 Korintus 8:11

Jadi hitupa papolamo bago haitu sampe maupu. Mabelo ane kadotamiu mompapola bago haitu sampe maupu, masimbayu ante kaoge nu raramiu nompamula bago haitu bara ipia. Dekeimo nangoseaka pompakulemiu.

2 Korintus 8:13

Patujuku ala katuvumiu masimbayu. Patujuku ledo mompakantamo komiu sampe komiu mapepa bo tona ntanina mangaa.

2 Korintus 8:19

Ledo aga haitu, tapi ia muni nipelisi ntodea topomparasaya momporoa kami riara polipa kami hau ri bagia Yudea manggeni doi petulungi haitu. Patuju nu polipa kami haitu ala Alatala rabila bo ratoiya ntona, bo ala rasani ntona kaoge nu rara kami mantulungi sampesuvuta napakasi.

2 Korintus 9:7

Pura-pura tona kana simbo mombadekei nangoseaka anu nipakatantu riara ntaina mboto. Nee monggai rara mombadekei bo nee muni mombadekei sabana nirasai aga nipasuu. Sabana, Alatala nompotove tona nombadekei ante rara nadamba.

1 Petrus 4:10

Kita simbo nidekeika pompakule ledo nasimbayu lako nte Alatala, bo kita kana mompake pakabelo pompakule nipatava ka kita mombatulungi tona ntanina.