2 Korintus 7:7 - Kaili Ledo

⁷ Ledo aga kakava i Titus nggoo nompakaroso rara kami, tapi karebamiu nitesana mpuu-mpuu nompakadamba rara kami. Nitesana komiu nompakaroso rarana tempo ia nonturo ante komiu. Bo nitesana muni nalentoramo raramiu manggita yaku, bo nasusa raramiu nantora pokainggumiu bara ipia. Bo niulina komiu mpuu-mpuu madota manjaliku yaku ri ngayo ntopangeva yaku. Kadamba nu raraku mpuu-mpuu nelabi!

2 Korintus 7:7 ပူးပေါင်းရင်းမြစ်များ

Matius 26:75

Bo nitora i Petrusmo tesa i Yesus pangane nanguli, “Dopame manu mototoroko ngena, talu-ngganimo iko mombasapu Yaku.” Bo nesuvumo i Petrus notumangi nonjodu-njodu ante nasusa mpuu rarana.

Matius 5:4

Nabelo mpuumo tona nabuku rarana, sabana Alatala mompakavoe rarana.

Lukas 22:44

Nasusa mpuu raraNa, sampe Ia nosambaya mpuu-mpuu bo iniNa eva raa natiti ri tana.]

Suro-Suro 11:23

Nakavapa i Barnabas ri Antiokhia, nadamba mpuu rarana nanggita kabelo nu Alatala nte ira. Jadi nipakarosona rarara ala ira bate-batena mangoseaka i Pue Yesus ante mpuu-mpuu rarara.

Roma 1:12

Patujuku ala yaku muni rapakaroso sabana pomparasayamiu, jadi kita mpasanggani-nggani mosipakaroso rara.

1 Korintus 5:2

Kakanana masipato mabuku raramiu bo maeya matamiu, bo masipato komiu mompopalai topogau haitu lako ri tatangamiu, domo radekei ia masiromu nte komiu mombasomba Alatala. Tapi ledo ivesia komiu. Komiu da nalanga raramiu, nau pokainggu roamiu ivesia!

2 Korintus 1:4

Ia nompakaroso rara kami riara mpengaya-ngaya kasusa bo kapari nirasai kami, ala karoso rara nitarima kami lako nte Alatala, rapake kami mompakaroso rara ntona ntanina anu nombarasai kasusa bo kapari.

2 Korintus 2:9

Ri suraku bara ipia nituduku komiu mombahuku ia. Patujuku notulisi sura haitu ala kusani bara raoseakamiu pura-pura parentaku bara ledo.

2 Korintus 5:2

Tapi tempo kita da natuvu ri dunia hitu nasumu rarata, naoge rarata manggava karo nabaru lako ri suruga.

2 Korintus 7:6

Tapi Alatala nompakaroso rara ntona naupu rarana, bo nipakarosoNa rara kami muni ante kakava i Titus.

2 Korintus 7:8

Naupa isi suraku bara ipia nompakasusa raramiu, ledo nanjoso raraku nantulisi sura haitu. Kakanana nanjosomo raraku bara ipia apa nikitaku suraku haitu nompakasusa raramiu. Tapi kasusa raramiu haitu aga sampalai.

2 Korintus 8:16

Kami nosukuru nte Alatala sabana Ia nompakaoge rara i Titus mompekirika kabelomiu nasimbayu mpo kami mboto.

Filipi 1:20

Yaku mpuu-mpuu nanjarumaka yaku ledo rapakaeya nokarajaa nompatolele Kareba i Kristus. Nisarumakaku yaku bate-batena mabia mosabi, nemopa sii-sii, ala nau mamate atau matuvu yaku, rakita ntona kaoge i Kristus riara nggatuvuku.

Kolose 2:5

Sabana nau yaku nakavao lako nte komiu, riara ntaiku yaku naria ri situ nte komiu. Bo nadamba mpuu raraku nangepe komiu nosangu rara bo ledo nolengga-lengga nomparasaya i Kristus.

1 Tesalonika 3:6

Tapi hitupa nanjilimo i Timotius lako ritu nte komiu, bo nitesana ka kami karebamiu anu nompakadamba rara kami, ivei: “ToTesalonika naroso pomparasayara, bo nosimpotove. Ira bate-batena nantora kita ante damba rara bo ira nalentora manggita kita nasimbayu mpo kita nalentora manggita ira.”

1 Tesalonika 3:8

Apa mpuu-mpuu maosa rara kami ane komiu batena maroo mosangu rara nte i Pue.

Ibrani 2:1

I Yesus naogepa pade malaeka. Sabana haitu, kita kana manggangisi pakabelo-belo pepatuduki niepeta ala kita ledo masalandala lako ri dala nakana.

Yakobus 5:17

Toramo Nabi Elia nggaulu. Ia manusia biasa, nasimbayu mpo kita. Ia nosambaya ante mpuu-mpuu rarana ala ledo mauda. Bo mpuu-mpuu ledo nauda talu-mpae santanga kasaena.

2 Yohanes 1:4

Nadamba mpuu raraku nangepe naria ana-anamiu natuvu nangoseaka pepatuduki nakana, anu niparenta nTuamata Alatala ka kita.

Yudas 1:3

Sampesuvu-sampesuvu nipotoveku, naoge mpuu raraku motulisi sura ka komiu, mombatesa kabelona nirasaita pura-pura anu nipakasalama i Yesus. Tapi nirasaiku eva naria anu nompasuu yaku mombabaliki niaku haitu. Apa naria tona anu nanggeni pepatuduki nasala nte kita. Sia sampe niuliku aginamo kutulisi sura mompakaroso raramiu ala komiu mompasimbuku mpuu mangeva tona anu madota mombabaliki pepatuduki nakana. Pepatuduki nakana nipasimbayu nu Alatala ka pura-pura todeaNa. Bo pepatuduki haitu aga sanggani nidekei nu Alatala sampe ri kasae-saena bo ledo namala rabaliki.