2 Korintus 7:5 - Kaili Ledo

⁵ Tempo kami nakava ri propinsi Makedonia, ledo najadi kami nangosanaka. Apa ri panggai panggana tona nompakasusa kami. Naria tona nangeva kami, bo riara ntai kami mboto kami nombarasai naeka. Mpuu-mpuu eva maupu rara kami!

2 Korintus 7:5 ပူးပေါင်းရင်းမြစ်များ

Suro-Suro 20:1

Nalinopa kagado ri ngata Efesus, i Paulus nompasiromu topomparasaya ri sia bo notesa nompakaroso rarara. Naupu sia, ia nopalakanamo pade nipapolana polipana hau ri propinsi Makedonia.

1 Korintus 15:31

Sampesuvu-sampesuvu, eo-eo nisarumakaku yaku rapatesi sabana pokarajaaku nompatolele Kareba Belo. Nisani nu Alatala nadamba mpuu raraku sabana komiu nosangu rara nte Tuputa i Yesus Kristus. Ivesia muni nisaniNa tesaku hitu nakana mpuu, yaku ledo nodava!

1 Korintus 16:5

Maupu kupelioda ira ri propinsi Makedonia pade tou mompeinta komiu, apa yaku nonia moliu ri Makedonia mami.

2 Korintus 2:13

Tapi ledo natinda raraku sabana ledo niposinggavakuka sampesuvuta i Titus hamai, anu manggeni kareba lako nte komiu. Haitumo sabana yaku nopalakanamo nte toTroas, bo napola hau ri propinsi Makedonia.

2 Korintus 2:3

Bo haitumo patujuku notulisi sura ka komiu bara ipia. Apa ledaku tou ane aga masusa raraku manggita pokainggumiu. Kakanana komiu masipato mompakadamba raraku. Bo ane madamba yaku, tantu komiu muni madamba.

2 Korintus 2:9

Ri suraku bara ipia nituduku komiu mombahuku ia. Patujuku notulisi sura haitu ala kusani bara raoseakamiu pura-pura parentaku bara ledo.

Galatia 4:11

Nakini mpuu raraku, nee-nee ledo maria gunana katiti nu iniku nompatuduki Kareba Belo ka komiu bara ipia!

1 Tesalonika 3:5

Jadi sia sampe nituduku i Timotius tou nte komiu, ala kusani berimba pomparasayamiu, sabana domo nipakuleku mantaamaka kalentora raraku nompekirika komiu. Nakini raraku nee-nee komiu bara mamala radagi nu Magau Seta ante pesori-pesorina sampe domo ria asele lako ri katiti nu ini kami nanggeni Kareba Belo ka komiu.