2 Korintus 7:13 - Kaili Ledo

¹³ Jadi, narosomo rara kami nangepe anu nipoviamiu naupu nibacamiu sura kami. Rara kami nipakaroso mpuu, bo nelabipa vai kadamba rara kami nanggita kadamba rara i Titus. Apa tempo nipeliodana komiu ri Korintus, rarana mpuu-mpuu naleva nanggita pokainggumiu.

2 Korintus 7:13 ပူးပေါင်းရင်းမြစ်များ

Roma 12:15

Ane roamiu madamba, komiu kana madamba mosanggani-nggani ante ia, bo ane roamu motumangi nabuku rarana, komiu kana motumangi mosanggani-nggani ante ia.

Roma 15:32

Kuperapi muni, ane rapodota nTupu, yaku mamala tou mesai nte komiu ante damba nu raraku, bo kita mamala mosipakavoe rarata.

1 Korintus 12:26

Ane nadua sangu sipa, pura-pura sipa nu karo haitu nombarasaina muni. Ane sangu sipa nibila, pura-pura sipa nu karo muni nadamba.

1 Korintus 16:13

Komiu kana mainga bo nee menonto momparasaya i Kristus. Komiu kana maroso bo nee maeka ka nuapa-nuapa.

1 Korintus 16:18

Ira nompakasana raraku nasimbayu mpo raramiu nipakasanara muni. Haitu sampe kuperapi nte komiu, bilamo tona ivehaitu!

2 Korintus 2:13

Tapi ledo natinda raraku sabana ledo niposinggavakuka sampesuvuta i Titus hamai, anu manggeni kareba lako nte komiu. Haitumo sabana yaku nopalakanamo nte toTroas, bo napola hau ri propinsi Makedonia.

2 Korintus 2:3

Bo haitumo patujuku notulisi sura ka komiu bara ipia. Apa ledaku tou ane aga masusa raraku manggita pokainggumiu. Kakanana komiu masipato mompakadamba raraku. Bo ane madamba yaku, tantu komiu muni madamba.

2 Korintus 7:14

Dopame ia tou mompelioda komiu, nitoiyaku mamimo komiu nte ia. Bo pokainggumiu nikita i Titus ledo nompakaeya yaku. Pura-pura tesa kami ka komiu nakana, ivesia muni pura-pura potoiyaku komiu nitesaku ka i Titus nakana muni.

2 Korintus 7:15

Tove i Titus ka komiu nantambai kambasona tempo nitorana komiu mpuu-mpuu nangoseaka anu niulina. Nitarimamiumo ia bo nibilamiu ia bo nekou nte ia.

2 Korintus 7:6

Tapi Alatala nompakaroso rara ntona naupu rarana, bo nipakarosoNa rara kami muni ante kakava i Titus.

Filipi 2:28

Haitu sampe yaku nasalisa nombatudu ia manjili tou nte komiu ala tempo komiu mosinggava ante ia, madamba raramiu bo domo masusa gaga pekiriku.

2 Timotius 1:16

Tapi kuperapi i Pue Yesus maasi mataNa nte gi Onesiforus sambanua, sabana nadea ngganimo ia nakava nompakadamba raraku. Nau yaku nitarunggu, ledo naeya matana nanggita yaku.

Filemon 1:20

Sampesuvuku, kita nomparasaya i Kristus, jadi kuperapi ala iko movia anu noguna ka yaku, haitumo, tarima mpanjilimo i Onesimus ala madamba raraku sabana posampesuvuta sampomparasaya.

Filemon 1:7

Sampesuvuku, nadamba mpuu yaku, bo raraku nipakaroso nangepe pepotovemu ka todea nu Alatala. Bo petulungimu mpuu-mpuu nompakasana rarara!

1 Petrus 3:8

Jadi sampesuvu-sampesuvu, kupapolamo tesaku. Komiu pura-pura kana mosangu pekiri bo mosangu rara. Posimpotovemo mpo tona nosampesuvu. Komiu kana mosipoasi mata bo nee malanga rara.