2 Korintus 7:10 - Kaili Ledo

¹⁰ Sabana, kasusa rara nangoseaka dota nu Alatala, nanggeni kita najea lako ri dosata sampe kita rapakasalama. Bo ledo ria saitoa tona manjoso rarana ane rapakasalama. Tapi kasusa rara biasana anu nirasai ntona ledo nosisani nte Alatala, ledo nanggeni kita majea aga nanggeni kita mamate bo rapopogaa lako nte Alatala.

2 Korintus 7:10 ပူးပေါင်းရင်းမြစ်များ

Matius 26:75

Bo nitora i Petrusmo tesa i Yesus pangane nanguli, “Dopame manu mototoroko ngena, talu-ngganimo iko mombasapu Yaku.” Bo nesuvumo i Petrus notumangi nonjodu-njodu ante nasusa mpuu rarana.

Lukas 15:10

Ivesia muni malaeka-malaeka nu Alatala. Madamba mpuu rarara ane saito tona najea nokainggu nadaa.”

Lukas 18:13

Tapi topesingara balasitee haitu neangga nakavao nosambaya. Ledo nabia ia nantingoa ri langi. Ia nanjoso rara bo nosapa-sapa bambarana bo nanguli, ‘Alatala, poasimo yaku, apa yaku tona nadosa.’ ”

Suro-Suro 11:18

Tempo tona nasiromu ri sia nangepe tesa i Petrus, domo ira nebali. Ira nosanggani-ngganimo nantoiya Alatala. Niulira, “Ane ivesia tano, todea ledo toYahudi muni nipaloga nu Alatala majea lako ri dosa-dosara bo mantarima katuvua nabelo sampe ri kasae-saena!”

Suro-Suro 3:19

Jadi sampesuvu-sampesuvu, komiu kana majea lako ri dosa-dosamiu bo matundu nte Alatala ala dosa-dosamiu ralelakaNa.

2 Korintus 12:21

Nakini raraku ane tou nte komiu vai yaku, Alatala mompakaeya yaku ri ngayomiu, bo yaku motumangi ri ngayomiu sabana madea komiu anu nadosa bara ipia dopa najea lako ri pokainggura nadaa bo nabuga. Bara maria da nompogau tona ledo bereina mboto, bara movia anu ledo ntoto masipato mpo anu nabiasa nipoviara bara ipia.

2 Korintus 7:9

Hitupa nadambamo raraku, ledo sabana raramiu nipakasusa, tapi sabana kasusa raramiu haitu nanggeni komiu majea lako ri pokainggumiu nasala. Kasusa nu raramiu haitu nangoseaka dota nu Alatala, apa nipakeNa kasusa raramiu haitu ala manggeni komiu majea. Jadi sura kami haitu ledo nompakarugi komiu.

Ibrani 12:17

Nisanimiu mbotomo, naupu sia, tempo ia nerapi kalumbuana haitu lako nte tuamana, ia nipoara ntuamana naupa niperapina nte tangi. Domo nikavana dala mombabaliki sala nipoviana.