2 Korintus 6:5 - Kaili Ledo

⁵ Kami niboba bo nisuaraka riara ntarunggu. Todea nonasu nangeva kami, kami nokarajaa ntamo, biasa kami ledo namonjo, biasa ledo nangande.

2 Korintus 6:5 ပူးပေါင်းရင်းမြစ်များ

Matius 14:10

Nitudunamo tantarana hau ri tarunggu mombatampa balengga i Yohanes.

Matius 14:3

Iveimo tesa kamate i Yohanes Topediu: Bara sakuya kasaena dopame haitu, Magau Herodes nangagosi berei sampesuvuna mboto, haitumo i Herodias, berei i Filipus. I Yohanes Topediu nasaro nangonteaka Magau Herodes nanguli, “Ledo masipato komiu mompoberei eramiu mboto! Pokainggumiu haitu nombaliunaka Atura nu Alatala.” Jadi i Herodes nantudu tona mombasaka i Yohanes bo mombatipunggu ia bo mombasuaraka ia riara ntarunggu.

Matius 9:15

Nesanamo i Yesus ka ira, “Ledo masipato torata ri posusa poboti masusa rara bo mopuasa tempo boti langgai da mosanggani ante ira. Tapi kana makava tempona boti langgai raala lako nte ira. Tempo haitumo pade mopuasa ira. Ivesia muni anaguruKu masusa rara bo mopuasa ane Yaku raala lako nte ira.”

Suro-Suro 13:3

Jadi naliu ira nopuasa bo nosambaya, nidikara palera ri balengga i Barnabas bo i Saulus, bo nianggatakara majadi suro mompatolele Kareba Belo.

Suro-Suro 14:19

Naupu haitu, bara sako-ndua toYahudi lako ri ngata Antiokhia ri propinsi Pisidia bo muni lako ri ngata Ikonium nakava ri ngata Listra. ToYahudi haitu nantanara todea ri ngata Listra ala ira muni mangeva i Paulus sampe ira nombarempe i Paulus ante vatu bo niumbunjaira hau ri savaliku ngata. Niulira namatemo ia.

Suro-Suro 14:23

Ri ngata-ngata haitu i Paulus bo i Barnabas nanganggataka pakeni ntodea topangoseaka i Yesus. Ira nopuasa bo nosambaya, nerapi i Pue mombajagai pakeni haitu, apa Iamo panjarumakara.

Suro-Suro 17:5

Tapi toYahudi anu ledo nomparasaya i Yesus, nasiriati nanggita i Paulus bo i Silas, sabana nadea mpuu tona nomparasaya tesa i Paulus. Jadi nipasiromura tona aga notondodo-ndodo ri potomu, anu ledo naria pokarajaana. Nadeapa ira nasiromu, hau nipakagadoramo ngata haitu. Nakava ri banua i Yason anu niponturo i Paulus bo i Silas, nisuakira banua haitu rapangala i Paulus bo i Silas. Patujura ala gi Paulus mesuvu mantingayo todea.

Suro-Suro 20:31

Jadi komiu kana mainga! Toramo, sampesuvu-sampesuvuku. Talu-mpae kasaena, eo bongi yaku ledo nenonto nompatuduki bo nompainga komiu saito-saito, bo nadea uve mataku natiti.

Suro-Suro 23:10

Posinggarau haitu mpuu-mpuu nakanano, sampe tadulako naeka mbelaka raposibitesi ntodea i Paulus. Sia sampe nituduna tantarana mangala i Paulus lako ri tatanga ntodea haitu bo nanggeni ia hau ri asrama tantara.

Suro-Suro 23:35

niulinamo, “Nabelomo. Kuparesa parakaramu, ane makava topangadu ri sii.” Jadi nituduna tantara mombajagai i Paulus ri banua mbaso nipovia i Herodes bara ipia.

Suro-Suro 24:27

Rompae kaliuna, i Feliks nisambei, bo i Perkius Festus najadi gubernur ri bagia haitu. Tempo nolinja i Feliks, ia madota mangala rara ntoYahudi, jadi nipalambanamo i Paulus riara ntarunggu.

Suro-Suro 26:10

Bo nipoviaku mami ivesia ri ngata Yerusalem. Balengga-balengga ntopanggeni pesomba nombadekei sura kuasa ka yaku bo nadea todea nu Alatala nisuarakaku riara ntarunggu. Ledo aga haitu, ane ira nihuku mate, nadamba raraku.

Suro-Suro 26:29

Nesanamo i Paulus, “Bara masae bara ledo, kuperapi nte Alatala ala komiu bo gubernur, bo pura-pura tona nangepe tesaku eo hitu, majadi toKristen nasimbayu mpo yaku. Aga ledo nirante mpo yaku.”

Suro-Suro 28:30

Rompae kasaena i Paulus nonturo ri ngata Roma ri banua nisewana mboto. Nadea tona nakava nosinggava nte ia bo nadamba rarana nantarima ira pura-pura.

Suro-Suro 5:18

Nisakara suro-suro, bo nisuarakara riara ntarunggu ngata.

1 Korintus 15:10

Tapi lako ri pepotove nu Alatala, yaku najadi suro i Pue Yesus. Bo pepotoveNa haitu naria aselena riara nggatuvuku. Yaku nokarajaa nelabipa kantamona pade suro-suro i Yesus ntanina. Tapi kakanana ledo yaku anu nokarajaa ntamo ivesia. Alatala anu nompotove yaku, Iamo nokarajaa nosanggani-nggani ante yaku.

1 Korintus 4:11

Sampe sii-sii kami nasaro naara tai bo nabai tambolo. Kami nopakea nte sanjia-njia, kami niboba ntona bo ledo ria ponturo nikaroo kami.

1 Korintus 7:5

Nee mogaa mosampaturu ane ledo ria posimpoiyomiu njamboko. Ane rapana komiu mangelo loga mosambaya, ledo makuya komiu mogaa mosampaturu bara sakuya kasaena ane raposimpoiyomiu njamboko. Tapi ane maupumo tempo nipakatantu haitu, komiu kana manjili mosampaturu ala nee komiu rapesori Magau nu Seta mogau sala sabana komiu ledo mamala mantaamaka dota raramiu.

2 Korintus 11:27

Nabundumo yaku nokarajaa ntamo. Nadea ngganimo yaku ledo nakapo namonjo, ledo nangande, ledo nanginu. Nadea ngganimo yaku nombatidamaka ara ntai bo nindi bo ledo nagana pakea.

Efesus 3:1

Jadi, haitu pura-pura sabana yaku, Paulus, nosambaya ka Alatala. Yaku nitarunggu sabana nompatolele Kareba Belo i Yesus Kristus ka komiu tona ledo toYahudi.

Filipi 1:13

Pura-pura tantara anu nombajagai banua nu Magau Mbaso bo pura-pura tona ntanina ri sii, nisanira yaku hii nitarunggu sabana yaku nokarajaa ka i Kristus.

1 Tesalonika 2:9

Sampesuvu-sampesuvu, natantu da nitoramiu pompasimbuku kami bo kasusa kami bara ipia. Eo bongi kami nompasimbuku nokarajaa nompaelo mboto ala komiu ledo masesa mompekirika katuvu kami tempo nompatolele Kareba Belo nu Alatala ka komiu.

1 Timotius 4:10

Haitu sampe kita nompasimbuku mokarajaa ntamo mompatuduki pepatuduki nakana, sabana kita nanjarumaka Alatala anu Natuvu sampe ri kasae-saena. Iamo nompakule nompakasalama pura-pura manusia, nelabipa tona nomparasaya Ia.

2 Timotius 1:8

Jadi, nee maeya matamu motesaki Tuputa i Yesus, bo nee maeya matamu manggita yaku nitarunggu sabana pokarajaaku nompatolele Kareba i Yesus. Tapi iko kana masadia mantingayo kasusa nasimbayu mpo yaku sabana iko nompatolele Kareba Belo. Bo Alatala mombadekei kuasa ka iko mantingayo kasusa haitu.

2 Timotius 2:9

Yaku hii nipandasa sabana nompatolele Kareba Belo haitu. Yaku nipou rante nasimbayu mpo tona nadaa. Tapi Tesa nu Alatala ledo namala rarante, kana matolele ri umba-umba.

2 Timotius 4:5

Haitumo sampe niuliku ka iko, Timotius, iko kana mombakuasai karomu mboto nau bara nuapa majadi. Tidamakamo tempo nasusa. Pasimbukumo mompatolele Kareba Belo, bo povia puramo pokarajaa niparasaya nu Alatala ka iko.

Ibrani 11:36

Naria muni tona nipongei-ngeika bo nicambu pakandasa, bo naria tona nibalanggu bo nisuaraka riara ntarunggu.

Ibrani 13:17

Oseakamo parenta-parenta nu pakeni-pakenimiu bo pekoumo nte ira, sabana iramo nombajagai pomparasayamiu. Makava tempona bara maipia ira kana manguli pakalanto ri ngayo nu Alatala berimbana komiu nikeniakara. Jadi pekoumo nte ira ala ira mamala mantui pokarajaa haitu ante damba nu rara. Ane komiu ledo mekou, aga masusa rarara bo haitu ledo manggeni belo ka komiu.

Ibrani 13:23

Kana rasanimiu, sampesuvuta i Timotius nikabasakamo lako ri tarunggu. Ane masalisa ia tumai nte yaku, kukeni ia mosanggani-nggani nte yaku tou mosinggava nte komiu.

Pompakita 2:10

Tapi nee maeka komiu mantingayo kasusa bo kapari anu domo masae kana rarasaimiu. Pariaramo! Magau nu Seta mompopesua sanu komiu hau rantarunggu bo mompesori komiu ala moura pomparasayamiu. Komiu rapandasa sapulu eo kasaena. Tapi nee maupu raramiu momparasaya Yaku nau komiu rapatesi, sabana Kudekei ka komiu hadia padagi, haitumo komiu matuvu mabelo sampe ri kasae-saena.