2 Korintus 6:15 - Kaili Ledo

¹⁵ Masipato i Kristus mosimporoa ante i Belial, Magau nu Seta? Masipato topomparasaya i Kristus mosimpovega nte tona ledo nomparasaya?

2 Korintus 6:15 ပူးပေါင်းရင်းမြစ်များ

Markus 16:16

Isema-sema ledo momparasaya Kareba Belo haitu, kana rahuku. Tapi isema-sema momparasaya Yaku bo radiu tandana ia topangoseaka Yaku, ia rapakasalama.

Suro-Suro 5:14

Kasae-sae katambai-mbai kadea ntopangoseaka i Yesus, langgai bo mombine.

Suro-Suro 8:20

Tapi nesana i Petrus, “Masurukavu mpuu iko bo doimu! Nisarumakamu kabaraka nidekei nu Alatala mamala raali ante doi?

1 Korintus 6:6

Tapi ledo ivesia nipoviamiu. Komiu aga nosipangadu ntali sampesuvu sampomparasaya bo nanggeni parakara haitu ratangara ntona ledo topomparasaya i Yesus!

1 Timotius 5:8

Tapi ane maria tona ledo nantulungi sampesuvu-sampesuvuna, nemopa ira sambanua, tona haitu nompoara pepatuduki nakana. Nadaapa ia pade tona ledo nomparasaya.

1 Petrus 1:21

Iamo sampe komiu nomparasaya Alatala. Alatala nompakatuvu mpanjili Ia lako ri kamateNa bo nombadekei kuasa bo kaoge nipokumaaka ka Ia. Jadi haitumo sampe komiu nomparasaya bo nanjarumaka Alatala.