2 Korintus 6:11 - Kaili Ledo

¹¹ Sampesuvu-sampesuvu ri Korintus, nitesa kami isi rara kami ka komiu. Ledo nitabuniaka kami pepotove kami ka komiu. Kami mpuu-mpuu nompotove komiu.

2 Korintus 6:11 ပူးပေါင်းရင်းမြစ်များ

Suro-Suro 18:1

Naupu haitu i Paulus nompalaisi ngata Atena bo hau ri ngata Korintus.

Suro-Suro 18:8

Pakeni ri banua petupu haitu nosanga i Krispus. Ira sambanua nomparasaya i Yesus muni. Nadea toKorintus ntanina nangepe kareba nikeni i Paulus, bo nomparasaya i Yesus bo nidiu, tandana ira topangoseaka i Yesus.

2 Korintus 12:15

Jadi yaku nasadia mombadekei ka komiu pura-pura anu naria nte yaku, nau karoku mboto. Ane ivesia kambaso pepotoveku ka komiu, nakuya pepotovemiu ka yaku aga sakide?

2 Korintus 2:4

Tempo nitulisiku sura haitu ka komiu nasusa mpuu raraku, nantamo nirasaiku bo naoge uve mataku nesuvu. Patujuku notulisi sura haitu ledo mompakasusa raramiu, tapi ala rasanimiu kambaso toveku ka komiu pura-pura.

Galatia 3:1

Nadoyo mpuu komiu toGalatia! Isema nanjalipuyo komiu sampe komiu domo nadota nangoseaka pepatuduki nakana? Nipakalantoku mpuu nanguli ka komiu bara ipia patuju kamate i Yesus Kristus ri kayu salib.

Galatia 4:12

Sampesuvu-sampesuvuku, kuperapi ante mpuu-mpuu raraku ala rapasialamiu pokaingguku. Sabana naupa toYahudi yaku, domo nioseakaku ada-ada ntoYahudi, ala majadi masimbayu nte komiu tona ledo toYahudi. Komiu nabelo mpuu nte yaku bara ipia.

Efesus 6:19

Bo posambayaka muni yaku ala tempo yaku motesa, Alatala mombadekei ka yaku tesa-tesa masipato, bo nau bara nuapa majadi, yaku mabia mompatolele Kareba Belo anu ledo nisani ntona nggaulu.

Efesus 6:8

Pariaramo! Isema-sema novia nabelo, nau ia batua atau ledo batua, kana rakavana balasina nabelo lako nte i Pue.

Filipi 1:8

Nalentora mpuu raraku nte komiu, apa pompotoveku komiu nasimbayu mpo pepotove i Yesus Kristus mboto. Nisani nu Alatala tesaku hitu nakana.

Filipi 4:15

Sampesuvu-sampesuvu toFilipi, nisanimiu mbotomo tempo yaku paratama nompatolele Kareba Belo ka komiu bara ipia, bo nipalaisiku propinsi Makedonia, ledo ria topomparasaya ntanina nompakatu doi petulungi ka yaku. Aga komiu nombatande yaku bo nantulungi yaku nompapola pokarajaaku haitu.

Pompakita 22:12

Bo nanguli munimo i Yesus, “Pariaramo! Domo masae makavamo Yaku manggeni tambo bo Kubalasi pura-pura tona nangoseaka pokainggura.