2 Korintus 5:9 - Kaili Ledo

⁹ Jadi kami nompasimbuku mompakadamba raraNa, nau kami da natuvu ri dunia, nau kami mompalaisi dunia hitu.

2 Korintus 5:9 ပူးပေါင်းရင်းမြစ်များ

Yohanes 6:27

Nee aga mokarajaa ala manggava kandea anu masalisa maupu atau mavai. Agina komiu mokarajaa ala manggava kandea anu ledo mavai bo anu mombadekei katuvua mabelo sampe ri kasae-saena. Yaku, Ana nu Manusia mombadekei kandea haitu ka komiu, sabana Yakumo nianggataka nTuamaKu Alatala mantui pokarajaa haitu.”

Suro-Suro 10:35

Isema-sema natundu nte Alatala bo novia anu nanoa, tona haitumo nitarima nu Alatala. Alatala ledo nompelisi tona lako ri umba.

Roma 14:18

Ane ivesia pangoseakata i Kristus, kita mompakadamba rara nu Alatala, bo roata muni mombabila kita.

Roma 14:8

Ane kita da natuvu, kita natuvu mompakadamba Tupu, bo ane kita mamatemo, kita mamate mangoseaka dota nTupu. Nau da natuvu nau namatemo, kita batena todea nTupu.

Roma 15:20

Riara pokarajaaku haitu yaku bate-batena nompasimbuku nompatolele Kareba Belo ka tona anu dopa niepera sanga i Kristus. Yaku ledo madota mombangu banua ri bavo pandasi nipovia ntona ntanina.

1 Korintus 15:58

Jadi sampesuvu-sampesuvu nipotoveku, pakaroso pomparasayamiu bo nee molengga-lengga. Pasimbuku ante mpuu-mpuu raramiu mantui pokarajaa nidekei i Pue Yesus ka komiu, apa nisanimiu ledo ria nuapa-nuapa anu ledo ria gunana rapoviamiu ka Ia. Natantu kana maria aselena.

2 Korintus 5:6

Jadi haitu sampe rara kami bate-batena naroso. Nisanita ane kita da natuvu nte karota ri dunia hitu, kita dopa nosanggani-nggani ante i Pue Yesus ri suruga.

2 Korintus 5:8

Jadi evamo niuliku ri bavona, narosomo rara kami. Kami madambapa mompalaisi karo kami hitu bo hau monturo mosanggani-nggani nte i Pue.

Efesus 1:6

Alatala novia pura-pura haitu ala ratoiyata Ia. Nelabi mpuu kaoge nu toveNa ka kita! Lako ri kabelo nu raraNa, Ia nompopelabi bayangi toveNa ka kita anu nosangu rara ante AnaNa nipotoveNa.

Kolose 1:10

Ane rasanimiu dota nu Alatala ka komiu, mamala komiu matuvu ante pokainggu masipato ka topomparasaya i Pue, bo pura-pura inggumiu mompakadamba raraNa. Komiu mompakule movia mpengaya-ngaya anu nabelo, bo posisanimiu ante Alatala mantambai munimo.

Kolose 1:29

Haitumo sampe yaku nokarajaa ntamo, yaku mpuu-mpuu nompasimbuku nokarajaa ante kuasa nidekei i Kristus, apa kuasaNa riara nggatuvuku mpuu-mpuu naroso.

1 Tesalonika 4:1

Kaupuna, sampesuvu-sampesuvu: bara ipia kami nompatuduki ka komiu pokainggu masipato rapoviamiu ala madamba rara nu Alatala. Bo nisaniku nipoviamiumo anu nipatuduki kami. Tapi kami merapi nte mpuu-mpuu rara bo mompopatora komiu ante kuasa nidekei i Pue Yesus ka kami: pasimbukumo hanupa matuvu nte pokainggu mompakadamba Alatala!

1 Tesalonika 4:11

Pasimbukumo matuvu mosinggabelo nte tona ntanina, pasiayumo bagomiu mboto! Nee mombagalo bago ntona ntanina. Karajaamo pompaelomiu mboto nangoseaka anu niparenta kami ka komiu bara ipia.

1 Timotius 4:10

Haitu sampe kita nompasimbuku mokarajaa ntamo mompatuduki pepatuduki nakana, sabana kita nanjarumaka Alatala anu Natuvu sampe ri kasae-saena. Iamo nompakule nompakasalama pura-pura manusia, nelabipa tona nomparasaya Ia.

Ibrani 12:28

Jadi haitu sampe kita masipato manguli tarima kasi nte Alatala, sabana Ia nombadekei loga ka kita majadi todea riara PoparentaNa bo PoparentaNa haitu ledo ntoto mogoya. Bo kita kana metupu nte Alatala ante cara nipodambaNa. Kita kana mekou nte Ia bo maeka movia anu ledo nipokonoNa.

Ibrani 4:11

Sabana haitu, kita kana mompasimbuku ante rarata mpuu-mpuu ala kita mamala menonto mosanggani-nggani ante Alatala. Nee sampe maria tona ledo radekei mombarasai kabelo haitu sabana ledo nomparasaya, evamo najadi nte toIsrael nggaulu.

2 Petrus 3:14

Sampesuvu-sampesuvu nipotoveku, komiu nompopea kajadia-kajadia haitu, jadi pasimbukumo ala pokainggumiu mabelo bo ledo maria anu rasalai atau mepakaeya ri panggita nu Alatala. Bo pasimbukumo matuvu mosinggabelo ante Ia.