2 Korintus 5:18 - Kaili Ledo

¹⁸ Alatalamo anu nompakajadi pura-pura haitu. NipoposinggabeloNa kita nte Ia ante kamate i Kristus. Bo niparasayaNa ka kami pokarajaa mompatolele kareba posinggabelo ka tona ntanina ala ira muni mamala mosinggabelo nte Ia.

2 Korintus 5:18 ပူးပေါင်းရင်းမြစ်များ

Lukas 10:5

Ane komiu mesua ri banua ntona uli ntani ruru, ‘Kuperapi Alatala mombadekei belo ka komiu sambanua!’

Lukas 24:47

Kareba Belo kana rapatolele ka pura-pura manusia; ala ira majea lako ri dosara bo Alatala mombaampungi ira sabana anu nipovia nu Magau Topepakasalama. Kareba haitu kana rapatolele mompamula lako ri ngata Yerusalem hitu sampe ri njumangu dunia.

Yohanes 3:16

Apa Alatala mpuu-mpuu nompotove manusia sampe nidekeiNa AnaNa saito-itoNa, ala isema-sema momparasaya AnaNa ledo rapopogaa lako nte Alatala tapi manggava katuvua mabelo sampe ri kasae-saena.

Yohanes 3:27

Nesana i Yohanes, “Ledo makuya. Ledo ria saitoa manggava nuapa-nuapa ane ledo radekei nu Alatala ka ia.

Suro-Suro 10:36

Sampesuvu-sampesuvu, nisanimiu mbotomo isi kareba nipasimbayu nu Alatala ka kami toIsrael. Kareba haitu nanguli i Yesus Kristus anu nompoposinggabelo manusia ante Alatala. I Yesusmo Tuputa pura-pura, ledo aga Tupu ntoYahudi.

Roma 11:36

Apa pura-pura anu naria, nopuna lako nte Alatala bo natuvu lako ri kuasaNa bo Iamo Tupuna. Iamo masipato ratoiyata bo rabilata sampe ri kasae-saena! Amin!

Roma 5:1

Kita najadi nanoa ri panggita nu Alatala sabana kita nomparasaya i Yesus. Jadi sii-sii kita natuvu nosinggabelo ante Alatala sabana anu nipovia nTuputa Yesus Kristus ka kita.

1 Korintus 1:30

Lako nte Alatala sampe kita najadi nosangu rara ante i Yesus Kristus. Bo lako nte i Kristus sampe nisanita kapande nu Alatala. Ia nompoposinggabelo kita ante Alatala sampe kita najadi todea nagasa nipatani ka Alatala. Bo Iamo nombakabasaka kita lako ri pura-pura anu nadaa.

1 Korintus 11:12

Naupa ri pamulana mombine nipajadi lako ri karo langgai, hitupa pura-pura langgai nipoanaka nu mombine. Bo pura-pura langgai bo mombine nopuna lako nte Alatala.

1 Korintus 12:6

Bo naria mpengaya-ngaya cara Alatala nompopakita kuasaNa riara nggatuvuta bo aga saito Alatala nokarajaa riara ntaita pura-pura bo nombatulungi kita riara mpengaya-ngaya.

1 Korintus 3:5

Pekirimo! Isema yaku? Bo isema i Apolos? Kami aga batua-batua nu Alatala nanggeni komiu nomparasaya i Yesus. Kami aga batua anu simbo nokarajaa pokarajaa nidekei nu Alatala ka kami.

1 Korintus 8:6

Tapi ane kita topomparasaya, nisanita aga saito Alatala nakana. Iamo Tuamata anu nompajadi pura-pura anu naria ri dunia. Iamo nombadekei katuvu ka kita ala kita mombasomba Ia. Bo aga saito Tuputa, i Yesus Kristus anu nipopale nu Alatala nompajadi pura-pura anu naria, bo lako nte Ia sampe natuvu kita.

Kolose 1:22

Tapi, sii-sii Alatala nompoposinggabelo mpanjili komiu ante Ia sabana kamate i Kristus. I Kristus nombadekei karoNa rapatesi ala komiu majadi magasa, bo komiu ledo masala atau makura ri panggitaNa.

Ibrani 2:17

Haitu sampe Ia kana najadi nasimbayu ntoto ante kita sampesuvu-sampesuvuNa. Ane Ia nasimbayu ntoto nte kita, Ia namala majadi Pakeni nTopanggeni Pesomba anu naasi mataNa nanggita todeaNa bo natutu nombatui pokarajaa nidekei nu Alatala ka Ia, sampe dosa manusia namala nisompo.

Yakobus 1:17

Pura-pura pedekei nabelo, anu ledo ria galona nadaa, nakava lako nte Alatala ri suruga. Ia nompajadi pura-pura anu nareme ri langi. Vayo-vayo najadi lako ri reme haitu nasaro nabali, tapi Ia ledo nabali. Ia bate-batena nabelo.

1 Yohanes 2:2

I Yesus namate nombatanggu dosa-dosata. Bo ledo aga dosata nitangguNa, tapi pura-pura dosa manusia.

1 Yohanes 4:10

Povia nu Alatala haitu nompopaisani tove nakana ka kita. Iveimo tove nakana: ledo kita nokolu nompotove Alatala tapi Alatala nokolu nompotove kita. Ia nompotove kita sampe nituduNa AnaNa mboto tumai mamate mombasambei kita ala dosata namala raampungi.