2 Korintus 5:13 - Kaili Ledo

¹³ Niuli ntona kami nabaya. Kami nipeinta nabaya, sabana kadidi rara kami novia pokarajaa nidekei nu Alatala ka kami. Bo ane niulimiu kami nanoto, nisanimiu kami nokarajaa ivesia ala manggeni belo ka komiu.

2 Korintus 5:13 ပူးပေါင်းရင်းမြစ်များ

Markus 3:21

Sampesuvu i Yesus nangepe anu nipoviaNa haitu bo nisarumakara nabayamo Ia. Jadi nakavamo ira mangala Ia.

Roma 12:3

Lako ri kabelo rara nu Alatala, yaku nianggatakaNa majadi suroNa. Jadi sia sampe kuuli ka komiu pura-pura, Nee rapekirita karota mboto naoge ane ledo ivesia kakanana. Kita kana manoa bo manoto mompekirika karota mboto, nangoseaka suka pomparasaya nibagi nu Alatala ka kita saito-saito.

2 Korintus 11:1

Sampesuvu-sampesuvu, kuperapi komiu mosabara ruru mangepe yaku motesa mpo todoyo. Komiu nosabara mami nte yaku.

2 Korintus 12:11

Sampesuvu-sampesuvu, yaku hii notesa mpo todoyo, tapi komiu nompasuu yaku notesa ivesia! Kakanana komiumo masipato mombatoiya yaku, sabana naupa yaku hii ledo naria nturoku, yaku ledo ntoto nakura ane rapoposisala ante tona nirekemiu suro-suro anu ledo ria kasimbayuna!

2 Korintus 12:6

Nau yaku madota mangoe karoku mboto, ledo aga tesa ntodoyo, ledo davaku, apa naria mpuu anu masipato kuoe. Tapi yaku ledo madota mangoe karoku mboto ala nee-nee yaku rabila ntona sabana anu nipopakita ka yaku. Aginamo ira mombabila yaku sabana anu nikitara riara nggatuvuku atau anu niepera lako ri tesaku.

2 Korintus 7:12

Jadi patujuku notulisi sura haitu bara ipia, ledo aga mompakasala tona novia sala atau manjaliku tona nipakadaana. Alatalamo sabiku! Patujuku notulisi sura haitu, ala malanto ka komiu mboto tovemiu nte kami nambaso mpuu.

Kolose 1:24

Sampesuvu-sampesuvu, sii-sii nadamba raraku nombarasai susa bo pari nikavaku sabana yaku nokarajaa nantulungi komiu. Apa yaku nombadupai ri karoku susa bo pari nipakatantu i Kristus kana kurasai. Bo susa bo pari nirasaiku nanggeni belo ka todea topomparasaya. Pura-pura kita topomparasaya nirapaka karo i Kristus.

1 Tesalonika 1:5

Apa tempo kami nompatolele Kareba Belo ka komiu, kami ledo aga notesa bayangi. Kami nompatolele kareba haitu ante kuasa bo petulungi Nosa Gasa nu Alatala, bo kami mboto nomparasaya riara ntai kami tesa haitu mpuu-mpuu nakana. Nipeintamiumo katuvu kami tempo kami nonturo nte komiu. Pura-pura nipovia kami ala manggeni belo ka komiu.

2 Timotius 2:10

Jadi yaku nombatidamaka mpengaya-ngaya kasusa ala mamala kutulungi tona nipelisi nu Alatala sampe ira muni mamala momparasaya i Yesus Kristus bo rapakasalama bo matuvu mabelo mosanggani-nggani nte Alatala sampe ri kasae-saena.