2 Korintus 5:1 - Kaili Ledo

¹ Karota ri dunia hitu nirapaka tenda niponturota sampalai. Bo nisanita ane mageromo tenda hitu, Alatala mombadekei ka kita banua ri suruga anu ledo nipovia manusia bo bate-batena sampe ri kasae-saena, haitumo karo nabaru.

2 Korintus 5:1 ပူးပေါင်းရင်းမြစ်များ

Markus 14:58

< >>

Suro-Suro 7:48

Naupa ivesia, Alatala anu Neliu KaogeNa, ledo nonturo ri banua nipovia nu manusia. Apa riara buku nu nabi nitulisi ivei:

1 Korintus 3:9

Apa kami bo i Apolos nosampokarajaa ante Alatala, bo komiumo nirapaka talua nu Alatala. Komiu muni nirapaka banua nu Alatala.

2 Korintus 4:7

Kami manusia nalente niparasayaka pokarajaa nabelo mpuu, jadi kami nasimbayu mpo kura tana biasa, tapi isina noali mpuu. Alatala novia ivehaitu ala rasani ntona karoso nipokumaaka mombatui pokarajaa hitu, ledo nopuna lako nte kami mboto, tapi nopuna lako nte Ia.

2 Korintus 5:4

Tempo kita da natuvu ri dunia hitu nasumu rarata apa nirasaita nandasa katuvuta. Kita ledo madota mamate bo mogaa lako ri karota, tapi kita madota radekeika karo nabaru lako ri suruga ala karo anu mamate rasambei ante karo anu matuvu sampe ri kasae-saena.

Kolose 2:11

Kita nosangu rara ante i Kristus jadi kita nireke nisuna. Tapi posunata haitu ledo anu nipovia nu manusia ri karota tapi anu nipovia i Kristus riara ntaita. Batuana, kita nikabasaka lako ri kuasa nu dosa.

2 Timotius 1:12

Bo yaku nombarasai pura-pura kasusa riara ntarunggu hitu sabana pokarajaaku nompatolele Kareba Belo. Tapi naupa ivesia, ledo naeya mataku, sabana niposisanikumo i Yesus anu nisarumakaku, bo nisanikumo Ia nompakule nombajagai yaku sampe ri Eo Potangara ri kaupu nu dunia.

Ibrani 11:10

I Abraham nosabara nonturo ri tenda mpo topesovo sabana ia da nantongoraka ponturo ri ngata anu maria sampe ri kasae-saena, ngata niponia bo nibangu nu Alatala.

Ibrani 9:11

Tapi i Kristus nakava mpo Pakeni nTopanggeni Pesomba anu nanggeni kabelona nirasaita mamimo. Ia noliu riara Tenda nTupu anu nelabi kaogena bo nelabi kabelona pade Tenda nTupu ri dunia hitu, bo nesua ri Tombi Nelabi Kagasana ri suruga. Tenda nTupu ri suruga haitu ledo nipovia mpale manusia, batuana, ledo nopuna lako ri dunia hitu. Tempo i Kristus nesua ri Tenda haitu aga sanggani sampe ri kasae-saena. Ia ledo nanggeni raa ntovau lakina atau raa ana japi rapesombaNa, tapi raaNa mboto nikeniNa. Ivesiamo Ia nombakabasaka kita lako ri dosata sampe ri kasae-saena.

Ibrani 9:24

Sabana, i Kristus ledo nesua ri tenda petupu ri dunia anu nipovia mpale manusia, anu nogambarai Tenda nTupu mpuuna ri suruga. Tapi Ia nesua ri suruga bo hamai Ia batena mantingayo Alatala ala mantulungi kita.

1 Petrus 1:4

Kita nanjarumaka manggava belo nipakasadia nu Alatala ka pura-pura todeaNa. Belo haitu ledo magero, ledo mapopo, ledo mabali, bo nijagaiNa ri suruga ka kita.

2 Petrus 3:11

Jadi sampesuvu-sampesuvu, ane pura-pura anu naria kana maropu ivesia, berimbamo kita? Natantumo kita masipato mangoseaka dota nu Alatala bo matuvu ante pokainggu magasa.

1 Yohanes 3:14

Ane kita nompotove sampesuvuta, nisanita kita domo rapopogaa lako nte Alatala bo nikavatamo katuvua nabelo sampe ri kasae-saena. Tapi isema-sema ledo nompotove sampesuvuna sampomparasaya, ia kana rapopogaa lako nte Alatala.

1 Yohanes 3:19

Jadi ane kita nompotove sampesuvuta ante rarata mpuu-mpuu, nisanita kita mpuu-mpuu ana-ana nu Alatala, bo rarata mamala matinonto tempo kita nosambaya ka Alatala.

1 Yohanes 3:2

Sampesuvu-sampesuvu nipotoveku, kita sii-sii ana-ana nu Alatala mami, tapi dopa nipopaisani ka kita berimba katuvuta ri tempo makava. Anu nisanita, tempo i Kristus makava mpanjili, kita majadi masimbayu mpo Ia, apa rakitata mpuu lenjeNa.