2 Korintus 4:12 - Kaili Ledo

¹² Jadi kami bate-batena nantingayo kamate ala manggeni komiu manggava katuvua nabelo sampe ri kasae-saena.

2 Korintus 4:12 ပူးပေါင်းရင်းမြစ်များ

Suro-Suro 20:24

Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.

1 Korintus 4:10

Kami nireke ntona todoyo sabana kami nangoseaka i Kristus. Tapi nangoseaka pekirimiu, komiumo topomparasaya nanoto! Kami nireke ntona nalente tapi nangoseaka pekirimiu, komiumo naroso! Kami nisalai ntona tapi komiu nitoiya ntona!

2 Korintus 12:15

Jadi yaku nasadia mombadekei ka komiu pura-pura anu naria nte yaku, nau karoku mboto. Ane ivesia kambaso pepotoveku ka komiu, nakuya pepotovemiu ka yaku aga sakide?

2 Korintus 13:9

Nadamba mpuu rara kami ane kami nalente, asaa komiu maroso momparasaya. Jadi kami bate-batena mosambaya ala pokainggumiu majadi mabelo pura.

2 Korintus 4:11

Ane da matuvupa kami, da mariapa tona madota mompatesi kami sabana kami nangoseaka i Yesus. Haitu najadi ala malanto i Yesus natuvu mpanjili, apa kuasaNa rakita riara nggatuvu kami anu mamate.

2 Korintus 4:13

Riara Buku Gasa nitulisi ivei: “Yaku nomparasaya, bo haitu sampe nabia yaku notesa.” Ivesia muni kami. Kami nomparasaya Alatala sampe kami nabia notesa ka tona.

Filipi 2:17

Pangoseakamiu i Kristus nirapaka pesombamiu ka Alatala anu mompakadamba raraNa. Tempo bara ipia, ane tona nombadekei pesomba ka Alatala, kana nombatoli uve anggur ala mompakagana pesombana. Ane rapana yaku rapatesi sabana pokarajaaku nompatolele Kareba Belo, raaku rarapaka uve anggur nitoli haitu, apa yaku nasadia mamate ane rapodota nTupu. Jadi, nau yaku rapatesi, ledo nakuya! Yaku batena manguli tarima kasi nte Alatala bo yaku muni madamba mpasanggani-nggani nte komiu.

Filipi 2:30

apa sakidepa namate ia nompapola pokarajaa i Kristus. Ledo ntoto nipekirina katuvuna mboto sabana ia madota manjambei komiu mantulungi yaku ri sii.

1 Yohanes 3:16

Nanggita pokainggu i Yesus, nisanitamo mosimpotove. Ia namate nanggeni belo ka kita. Jadi kita muni kana masadia mamate mantulungi sampesuvuta.