2 Korintus 4:11 - Kaili Ledo

¹¹ Ane da matuvupa kami, da mariapa tona madota mompatesi kami sabana kami nangoseaka i Yesus. Haitu najadi ala malanto i Yesus natuvu mpanjili, apa kuasaNa rakita riara nggatuvu kami anu mamate.

2 Korintus 4:11 ပူးပေါင်းရင်းမြစ်များ

Roma 8:11

Alatala nompakatuvu mpanjili i Yesus ante kuasa Nosa Gasa, bo Nosa Gasa muni nonturo riara ntaita. Jadi nau karota mamate, Alatala mompakatuvu mpanjili karota ante kuasa Nosa Gasa anu nonturo riara ntaita.

Roma 8:36

Riara Buku Gasa nitulisi ivei: <> Mazmur 44:23

1 Korintus 15:31

Sampesuvu-sampesuvu, eo-eo nisarumakaku yaku rapatesi sabana pokarajaaku nompatolele Kareba Belo. Nisani nu Alatala nadamba mpuu raraku sabana komiu nosangu rara nte Tuputa i Yesus Kristus. Ivesia muni nisaniNa tesaku hitu nakana mpuu, yaku ledo nodava!

1 Korintus 15:49

Sii-sii karota nanjava karo i Adam anu nipajadi lako ri tana. Tapi bara maipia kita anu nosangu rara nte i Kristus, karota manjava karo i Kristus anu nopuna lako ri suruga.

2 Korintus 4:10

Kami nasaro nombarasai kasusa bo kapari nasimbayu mpo anu nirasai i Yesus tempo Ia nipatesi. Haitu najadi ala malanto i Yesus natuvu mpanjili, apa kuasaNa nikita riara nggatuvu kami.

2 Korintus 4:12

Jadi kami bate-batena nantingayo kamate ala manggeni komiu manggava katuvua nabelo sampe ri kasae-saena.

2 Korintus 5:4

Tempo kita da natuvu ri dunia hitu nasumu rarata apa nirasaita nandasa katuvuta. Kita ledo madota mamate bo mogaa lako ri karota, tapi kita madota radekeika karo nabaru lako ri suruga ala karo anu mamate rasambei ante karo anu matuvu sampe ri kasae-saena.

2 Korintus 6:9

Sanu tona noreke kami hii ledo ria gunana, tapi sanu nombatesa kabelo pokarajaa kami bo kareba haitu natolelemo. Nadea nggani kami sakidepa mamate, tapi peintamo, kami da natuvu! Kami nasaro nipandasa ntona tapi kami ledo namate.