2 Korintus 4:10 - Kaili Ledo

¹⁰ Kami nasaro nombarasai kasusa bo kapari nasimbayu mpo anu nirasai i Yesus tempo Ia nipatesi. Haitu najadi ala malanto i Yesus natuvu mpanjili, apa kuasaNa nikita riara nggatuvu kami.

2 Korintus 4:10 ပူးပေါင်းရင်းမြစ်များ

Yohanes 14:19

Damo sampalai rakita ntona Yaku ri dunia hitu. Tapi komiu da rakitamiu Yaku. Bo komiu matuvu mabelo sabana Yaku matuvu mpanjili.

Roma 6:5

Jadi, ane kita nireke namate nosanggani-nggani nte i Yesus tempo kita nidiu, natantumo kita muni rapakatuvu mpanjili nasimbayu mpo Ia.

Roma 6:8

Jadi ane kita mpuu-mpuu nireke namate nosanggani-nggani ante i Kristus, niparasayata kita matuvu mosanggani-nggani ante Ia.

Roma 8:36

Riara Buku Gasa nitulisi ivei: <> Mazmur 44:23

2 Korintus 1:5

Nadea kasusa bo kapari nirasai i Kristus, nambela munimo nte kami. Bo ivesia muni Alatala mpuu-mpuu nompakaroso rara kami sabana kami nosangu rara nte i Kristus.

2 Korintus 1:9

Nirasai kami eva nihuku mate. Tapi haitu najadi ala kami ledo manjarumaka karoso kami mboto tapi manjarumaka Alatala anu nakuasa mompakatuvu mpanjili tona namate.

2 Korintus 13:4

I Kristus nalente mami tempo Ia nipaku ri kayu salib sampe namate. Tapi Ia natuvu mpanjili sabana kuasa lako nte Alatala. Kami anu nosangu rara ante i Kristus, nalente muni nasimbayu mpo Ia bara ipia. Tapi kami natuvu ante kuasa nu Alatala, nasimbayu mpo i Kristus, bo ane mantingayo komiu ngena kami, rakitamiu kuasa nidekei nu Alatala ka kami.

2 Korintus 4:11

Ane da matuvupa kami, da mariapa tona madota mompatesi kami sabana kami nangoseaka i Yesus. Haitu najadi ala malanto i Yesus natuvu mpanjili, apa kuasaNa rakita riara nggatuvu kami anu mamate.

Galatia 6:17

Jadi kaupuna, tumo mompakasusa yaku, sabana bela-bela ri karoku najadi tanda yaku mpuu-mpuu batua i Yesus Kristus.

Kolose 1:24

Sampesuvu-sampesuvu, sii-sii nadamba raraku nombarasai susa bo pari nikavaku sabana yaku nokarajaa nantulungi komiu. Apa yaku nombadupai ri karoku susa bo pari nipakatantu i Kristus kana kurasai. Bo susa bo pari nirasaiku nanggeni belo ka todea topomparasaya. Pura-pura kita topomparasaya nirapaka karo i Kristus.

2 Timotius 2:11

Yaku nombatidamaka kasusa sabana nakana mpuu tesa nanguli ivei: “Ane kita namatemo nosanggani-nggani ante Ia, Kita muni matuvu mosanggani-nggani ante Ia.

1 Petrus 4:13

Kakanana komiu kana madamba, sabana komiu nombarasai kasusa bo kapari nasimbayu mpo anu nirasai i Kristus mboto. Apa ane komiu nombarasi susa bo pari mpo nirasai i Kristus, mambaso mpuu kadamba nu raramiu tempo Ia makava mpanjili. Tempo haitu, kaoge i Kristus anu nipokumaaka rapopakita ka pura-pura manusia.

1 Petrus 4:14

Ane komiu rasalai ntona sabana komiu nangoseaka i Kristus, kana masana mpuumo komiu. Apa ane komiu rasalai sabana pomparasayamiu, batuana Nosa Gasa nu Alatala anu nakuasa, naria mpuu riara nggatuvumiu.

Pompakita 1:17

Nikitakupa Ia, kaliu-liu nadungga ntuobomo yaku ri ngayoNa mpo tomate. Tapi Ia nombatuu pale ngganaNa ri karoku bo nanguli ka yaku, “Nee maeka. Yakumo hii Pamulana bo Kaupuna.