2 Korintus 4:1 - Kaili Ledo

¹ Jadi ledo naupu rara kami nompatolele Kareba Belo sabana pokarajaa hitu niparasaya nu Alatala ka kami lako ri kabelo raraNa.

2 Korintus 4:1 ပူးပေါင်းရင်းမြစ်များ

Lukas 18:1

Naupu haitu i Yesus nompatuduki anaguruNa ante notesa sangu porapa ala ira masaro mosambaya bo nee masau rara.

1 Korintus 3:5

Pekirimo! Isema yaku? Bo isema i Apolos? Kami aga batua-batua nu Alatala nanggeni komiu nomparasaya i Yesus. Kami aga batua anu simbo nokarajaa pokarajaa nidekei nu Alatala ka kami.

1 Korintus 7:25

Ane pompekutanamiu ka tona dopa noberei, ledo ria parenta lako nte i Pue Yesus. Tapi kutesa ka komiu panggavaku mboto. Bo tesaku hitu masipato raparasayamiu sabana pompakule nidekei nTupu ka yaku lako ri pompotoveNa.

2 Korintus 3:12

Kami nanjarumaka pojanji nu Alatala anu nabaru, anu ledo mabali-bali. Haitumo sampe kami nabia mpuu nompatolele Kareba Belo.

2 Korintus 3:6

Iamo nombadekei ka kami pompakule nompatuduki pojanjiNa nabaru ka tona. Pojanji nabaru haitu ledo atura-atura nitulisi, tapi nopuna lako ri Nosa Gasa nu Alatala. Atura-atura anu nitulisi nanggeni kamatea sabana ledo nipakule manusia mangoseakana, tapi Nosa Gasa nu Alatala nombadekei katuvua nabelo sampe ri kasae-saena.

2 Korintus 4:16

Jadi haitu sampe ledo naupu rara kami. Nau karo kami nantambai kalentena, tapi eo-eo rara kami nantambai karosona.

2 Korintus 5:18

Alatalamo anu nompakajadi pura-pura haitu. NipoposinggabeloNa kita nte Ia ante kamate i Kristus. Bo niparasayaNa ka kami pokarajaa mompatolele kareba posinggabelo ka tona ntanina ala ira muni mamala mosinggabelo nte Ia.

Galatia 6:9

Sabana haitu, nee mabasa rarata movia anu nabelo, sabana ane ledo maupu rarata movia anu nabelo, makava tempona ratarimata aselena.

Efesus 3:13

Jadi, sampesuvu-sampesuvu, kuperapi nte komiu, nee maupu raramiu nangepe yaku nitarunggu, sabana pura-pura kasusa nirasaiku sii-sii manggeni belo ka komiu.

Filipi 4:13

Nipakuleku nantingayo nuapa-nuapa ante petulungi i Yesus Kristus anu nompakaroso yaku.

2 Tesalonika 3:13

Tapi komiu sampesuvu-sampesuvu, nee masau raramiu movia anu nabelo.

1 Timotius 1:13

Bara ipia yaku nanjalai i Yesus, yaku nompandasa bo nompakadaa topangoseaka Ia. Tapi naupa ivesia, nipoasiNa yaku, sabana tempo haitu dopa niparasayaku Ia, dopa nisaniku poviaku haitu nadaa.

Ibrani 12:3

Pekirikamo kasusa nirasai i Yesus. Ia nieva ntona nadosa anu mpuu-mpuu navuu matara nte Ia. Pekirikamo Ia ala ledo masau raramiu bo ledo maupu raramiu momparasaya.

1 Petrus 2:10

Bara ipia komiu ledo todeaNa, tapi sii-sii komiu najadi todeaNamo. Bara ipia komiu ledo nipoasi mataNa, tapi sii-sii nirasaimiumo asi nu mataNa!

Pompakita 2:3

Komiu mpuu-mpuu nosabara. Komiu nipandasa ntona sabana pomparasayamiu, bo ledo naupu raramiu nangoseaka Yaku.