2 Korintus 3:7 - Kaili Ledo

⁷ Atura-atura anu nanggeni kamatea niuki nu Alatala ri sampeka vatu bo nidekei ka Nabi Musa. Tempo haitu reme lako ri kaoge nu Alatala nikita bo nompopenggila lenje i Musa sampe toIsrael ledo nompakule nangganotona naupa reme haitu nompamulamo nalipo. Jadi ane ivehaitu kaoge nu Alatala nikita tempo Atura-atura anu nanggeni kamatea nidekei ka Nabi Musa,

2 Korintus 3:7 ပူးပေါင်းရင်းမြစ်များ

Suro-Suro 6:15

Pura-pura tona ri Polibu Mbaso haitu nangganotosi i Stefanus. Bo nikitara lenje i Stefanus nasimbayu mpo lenje nu malaeka.

Roma 10:4

Tapi Atura-atura agama domo niparaluu, sabana nariamo i Kristus. Jadi isema-sema nomparasaya i Kristus, majadi nanoa ri panggita nu Alatala

Roma 4:15

Ane kita aga mompasimbuku mangoseaka Atura agama, kita aga mambela pehuku nu Alatala sabana kita nasaro nombaliunaka AturaNa. Ane rapana ledo maria Atura agama, tantu ledo maria nuapa-nuapa raliunakata bo kita ledo masala.

Roma 5:20

Atura agama nidekei nu Alatala ala mantambai kadea dosa nipovia nu manusia. Tapi nau dosa manusia nantambai kadeana, pepotove nu Alatala naogepa.

Roma 7:10

bo nanotomo raraku yaku masipato rahuku mate bo rapopogaa lako nte Alatala. Kakanana, patuju nu Atura agama ala yaku manggava katuvua nabelo. Tano, nisanikupa Atura haitu, yaku aga nombaliunakana sampe yaku masipato rahuku mate bo rapopogaa lako nte Alatala.

Roma 7:22

Pekiri riara ntaiku, nipokonoku atura nu Alatala.

Roma 7:5

Bara ipia, dopame kita nomparasaya i Yesus, kita natuvu nangoseaka dota rarata anu nadaa. Anu nitagi nu Atura agama, aga haitumo nipodotata rapovia. Jadi, nipaketa karota novia dosa sampe kita masipato rahuku mate bo rapopogaa lako nte Alatala.

1 Korintus 13:10

Tapi tempo Alatala mompakabelo mpengaya-ngaya bara maipia, domo raparaluuta pompakule-pompakule anu da nakura haitu.

2 Korintus 3:3

Haitumo, katuvumiu nompopakita ka pura-pura tona, komiu mpuu-mpuu nomparasaya bo pomparasayamiu haitu asele pokarajaa kami nanggeni tesa i Kristus ka komiu. Katuvumiu namala nirapaka sura popaisani kami anu nitulisi i Kristus mboto. Sura haitu ledo nitulisi ante popena bo tinta, bo ledo muni niuki ri sampeka vatu. Tapi sura haitu nipovia Nosa Gasa nu Alatala anu natuvu riara ntaimiu.

2 Korintus 3:6

Iamo nombadekei ka kami pompakule nompatuduki pojanjiNa nabaru ka tona. Pojanji nabaru haitu ledo atura-atura nitulisi, tapi nopuna lako ri Nosa Gasa nu Alatala. Atura-atura anu nitulisi nanggeni kamatea sabana ledo nipakule manusia mangoseakana, tapi Nosa Gasa nu Alatala nombadekei katuvua nabelo sampe ri kasae-saena.

2 Korintus 3:8

natantumo nelabipa kaogeNa rakita riara pokarajaa Nosa Gasa!

Galatia 3:10

Isema-sema nanjarumaka majadi manoa ri panggita nu Alatala sabana nioseakana Atura agama, iamo rahuku nu Alatala. Nisanita haitu sabana riara Buku Gasa nitulisi ivei: “Isema-sema ledo natutu nangoseaka pura-pura parenta nitulisi riara Buku Atura Agama, iamo rahuku nu Alatala.”

Galatia 3:21

Jadi nuapa batuana? Atura agama nositaliku ante pojanji nu Alatala? Tantu ledo. Ane rapana rapakuleta mangoseaka Atura agama sampe rakavata katuvua nabelo, tantu haitumo majadi dalata mompakanoa karota mboto ri panggita nu Alatala.

Ibrani 12:18

Sampesuvu-sampesuvu, ledo nirasaimiu anu nirasai ntoIsrael nggaulu tempo nitarimara Pojanji nu Alatala nokolu. Ira nakava nantingayo bulu anu namala ratui, haitumo Bulu Sinai nikavaya nu apu. Nikitara landa mpirika bo kulimu, bo nirasaira poiri narimboso.

Ibrani 3:3

Topombangu banua nireke naogepa pade banua nibanguna. Ivesia muni i Yesus masipato manggava pebila naogepa pade Nabi Musa.

Ibrani 9:4

Ri tombi haitu naria meja potunju dupa nipovia lako ri bulava bo naria muni Peti Pojanji anu nilapisi bulava. Riara Peti haitu naria kura bulava pomboli roti manna bo toko polipa i Harun anu nosepi bo natuvu bara ipia. Naria muni rompeka vatu noisi Sapulu Parenta nu Alatala.