2 Korintus 3:4 - Kaili Ledo

⁴ Kami nabia nanguli ivesia sabana kami nanjarumaka Alatala. Bo kami nanjarumaka Alatala sabana posangu rara kami nte i Kristus.

2 Korintus 3:4 ပူးပေါင်းရင်းမြစ်များ

2 Korintus 2:14

Yaku nosukuru nte Alatala! Ia batena nanggeniaka kami nosanggani-nggani nte Ia bo nitulungiNa kami najadi padagi sabana kami nosangu rara ante i Kristus. NitulungiNa kami nompatolele Kareba Belo i Kristus ri umba-umba ala pura-pura tona mangepena bo mosisani nte Alatala. Bo Kareba haitu nasimbayu mpo soa navangi nasilele nienga ri umba-umba.

Efesus 3:12

Kita nomparasaya i Kristus bo kita nosangu rara ante Ia, jadi domo makaja rarata mosinggava nte Alatala riara posambayata, bo nisanita ratarimaNa.

Filipi 1:6

Alatala mbotomo nompamula novia anu nabelo riara ntaimiu. Bo niparasayaku poviaNa haitu rapakapolaNa sampe maupu, ri tempo kakava i Yesus Kristus mpanjili.

1 Tesalonika 1:8

Nompamula nte komiu, kareba i Yesus natolelemo sampe ri propinsi Makedonia bo Akhaya. Bo ledo aga haitu. Ri umba-umba ngata niepe ntonamo tesa pomparasayamiu Alatala. Jadi, ledo paraluu kami motesaki pomparasayamiu, sabana ri umba-umba nikalau kami, tesa haitu nisani ntonamo.