2 Korintus 13:12 - Kaili Ledo

¹² Posipakavotemo tabe saito bo saito ante tove. Bo tarimamo tabe lako ri pura-pura topomparasaya ri sii.

2 Korintus 13:12 ပူးပေါင်းရင်းမြစ်များ

Matius 5:47

Bo ane komiu aga nabelo nte roamiu mboto, natantumo pokainggumiu haitu ledo mbeki ratoiya. Nau tona ledo nosisani nte Alatala nabelo nte roara mboto!

Roma 16:16

Posipakavotemo tabe ante mpuu-mpuu rara, mpo sampesuvu sampomparasaya i Kristus. Pura-pura topomparasaya i Kristus ri sii nompakavote tabera ka komiu muni.

1 Korintus 16:20

Nadea muni tabe lako nte pura-pura topomparasaya ri sii. Posipakavotekamo tabe saito-saito ante pepotove.

1 Tesalonika 5:26

Pakavote tabe bo tove kami ka pura-pura sampesuvuta sampomparasaya ri situ.

1 Petrus 5:14

Posipakabotemo tabe ante tove, mpo tona nosampesuvu sampomparasaya. Kuperapi Alatala mombadekei katinonto ka komiu pura-pura anu nosangu rara ante i Kristus. Tabe lako nte yaku, Petrus