2 Korintus 12:9 - Kaili Ledo

⁹ Tapi niuliNa ka yaku, “Nemo. Nipotoveku iko, bo haitu naganamo ka iko. Apa ane nalente iko, kuasaKu malanto mpuumo riara nggatuvumu.” Jadi, haitumo sampe yaku nadamba nangoe anu nompopakita kalenteku, apa ane yaku nalente, kuasa i Kristus nokarajaa riara ntaiku.

2 Korintus 12:9 ပူးပေါင်းရင်းမြစ်များ

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Lukas 21:15

Apa Yaku mboto mombadekei ka komiu tesa-tesa bo noto mpekiri sampe ledo maria saitoa balimiu mompakule mombadagi bara mombabali tesamiu.

1 Korintus 10:13

Pura-pura pesori anu nambela komiu nasimbayu ante pesori-pesori anu nipambela ka pura-pura manusia. Tapi Alatala namala raparasaya mantulungi komiu. Ledo rapalambaNa komiu rapesori ante pesori anu melabi lako ri pompakulemiu. Tempo komiu rapesori, Ia mompopaisani dala ka komiu ala komiu maroso bo maroo raramiu mombatidamaka riara pesori haitu.

1 Korintus 15:10

Tapi lako ri pepotove nu Alatala, yaku najadi suro i Pue Yesus. Bo pepotoveNa haitu naria aselena riara nggatuvuku. Yaku nokarajaa nelabipa kantamona pade suro-suro i Yesus ntanina. Tapi kakanana ledo yaku anu nokarajaa ntamo ivesia. Alatala anu nompotove yaku, Iamo nokarajaa nosanggani-nggani ante yaku.

1 Korintus 2:3

Jadi tempo yaku naria nte komiu, yaku nalente bo nolete naeka.

1 Korintus 2:5

Nipoviaku ivesia ala pomparasayamiu ledo mopuna lako ri kapande nu manusia tapi mopuna lako ri kuasa nu Alatala.

2 Korintus 11:30

Suro mpodava nangoe karora mboto, jadi yaku muni mangoe karoku mboto. Tapi ane yaku kana mantoiya karoku mboto, aginamo kalenteku kutoiya.

2 Korintus 12:1

Yaku kana mangoe karoku mboto, nau ledo ria gunana. Jadi kutesa ruru anu nipopakita bo anu nipopaisani i Pue Yesus ka yaku.

2 Korintus 12:10

Jadi ane nalente yaku, nadamba yaku. Ane yaku rasalai, atau mapepa atau rapandasa, atau rapakasusa sabana yaku nangoseaka i Kristus, nadamba yaku. Apa ane nalente yaku, kuasa i Kristus mpuu-mpuu nompakaroso yaku.

2 Korintus 12:15

Jadi yaku nasadia mombadekei ka komiu pura-pura anu naria nte yaku, nau karoku mboto. Ane ivesia kambaso pepotoveku ka komiu, nakuya pepotovemiu ka yaku aga sakide?

2 Korintus 12:5

Masipato yaku mangoe karo ntona ivehaitu sabana anu nikitana, tapi ledo kuoe karoku mboto. Yaku aga madota mangoe anu nompakalanto kalenteku.

Efesus 3:16

Naoge mpuu kuasa bo kabelo nu Alatala! Jadi kuperapi ala Ia mpuu-mpuu mompakaroso rara ntaimiu ante Nosa GasaNa

Filipi 4:13

Nipakuleku nantingayo nuapa-nuapa ante petulungi i Yesus Kristus anu nompakaroso yaku.

Kolose 1:11

Kami nerapi ala Alatala mompakaroso raramiu ante pura-pura kuasaNa, nangoseaka barakaNa anu naoge mpuu, ala rapakulemiu mosabara nau bara nuapa majadi bo ledo molengga-lengga raramiu.

1 Timotius 1:14

Naoge mpuu pepotove nTuputa nte yaku! Lako ri kabelo raraNa nipopompakuleNa yaku momparasaya Ia bo mompotove singgamanusiaku sabana yaku nosangu rara nte i Yesus Kristus.

Ibrani 11:34

Sanu ira nompepaya apu narega mpuu, bo nadea ngganimo ira nikabasaka lako ri tona nasadia mombatimbe ira. Tempo ira nalente, nipakaroso mpanjili. Ira najadi naroso riara posieva sampe nipakulera nombadagi tantara-tantara ntosangatana.

Ibrani 4:16

Sabana haitu, nee maeka. Kita kana mabia mosinggava nte Alatala riara posambayata apa Alatala nabelo raraNa bo nipotoveNa kita. Ane kita mekitulungi nte Ia, kita rapoasiNa bo ratulungiNa ri tempo niparaluuta.