2 Korintus 12:20 - Kaili Ledo

²⁰ Apa nakini raraku, nee-nee ane yaku tou nte komiu kukava komiu ledo mpo anu nisarumakaku, bo pokaingguku nte komiu ledo mpo anu nisarumakamiu. Nee-nee kukava komiu mosinggarau, bara masiriati, bara marau, bara aga mompekirika karo mboto. Nee-nee kukava komiu mosisalai bara mositunturaka bara malanga rara bara mompakagado todea topomparasaya.

2 Korintus 12:20 ပူးပေါင်းရင်းမြစ်များ

Roma 1:29

Mpengaya-ngaya pekiri nadaa bo natenggo rarara. Ledo naosa rarara ante anu naria nte ira, navau rarara, nasiriati, nepatesi, nebagiu, bo nosinggarau. Ira nomboli rau rara, nantunturaka tona

Roma 1:30

bo nompakadaa sanga ntona ntanina. Navuu matara nte Alatala, ira najampa, nalanga rara bo nangoe. Ira natau nangelo akala movia anu nadaa bo ledo natundu nte totuara.

Roma 2:8

Tapi ane tona aga nompekirika karora mboto, bo ledo nadota nangoseaka dota nu Alatala, tapi aga nangoseaka dota nu rarara nadaa, tona gahaitumo rapokarau nu Alatala bo rapambela pehuku.

1 Korintus 1:11

Niuliku ivesia sabana naria ira lako ri banua i Kloe nanguli ka yaku sanu komiu nosipobali.

1 Korintus 14:33

Apa Alatala nompokono anu natinonto. Ledo nipokonoNa nagado. Poviamo anu nabiasa nipovia ri pura-pura kasiromu ntodea topomparasaya.

1 Korintus 5:2

Kakanana masipato mabuku raramiu bo maeya matamiu, bo masipato komiu mompopalai topogau haitu lako ri tatangamiu, domo radekei ia masiromu nte komiu mombasomba Alatala. Tapi ledo ivesia komiu. Komiu da nalanga raramiu, nau pokainggu roamiu ivesia!

2 Korintus 1:23

Sampesuvu-sampesuvu, yaku ledo nodava. Alatala sabiku. NisaniNa isi rara ntaiku bo nisaniNa yaku ledo nanjili ri ngata Korintus mompelioda komiu sabana ledo nipokonoku makasara mangonteaka komiu bo mompakasusa raramiu.

2 Korintus 10:2

yaku mpuu-mpuu merapi: nee sampe da maria komiu manjauru kuasaku najadi suro i Yesus, ala ledo paraluu yaku marau tempo yaku makava ri situ nte komiu. Apa nasadia mami yaku mangonteaka tona nanguli kami nokainggu mpo tona ledo nosisani nte Alatala.

2 Korintus 10:6

Jadi ane rakita kami komiu pura-pura mpuu-mpuu natundu nte i Kristus, masadiamo kami mombahuku tona ntanina anu ledo natundu.

2 Korintus 12:21

Nakini raraku ane tou nte komiu vai yaku, Alatala mompakaeya yaku ri ngayomiu, bo yaku motumangi ri ngayomiu sabana madea komiu anu nadosa bara ipia dopa najea lako ri pokainggura nadaa bo nabuga. Bara maria da nompogau tona ledo bereina mboto, bara movia anu ledo ntoto masipato mpo anu nabiasa nipoviara bara ipia.

2 Korintus 2:1

Jadi, nibotusikumo agina yaku domo tou ruru, apa ledo nipokonoku mompakasusa raramiu mpo anu najadi saeo.

Galatia 5:15

Tapi ane komiu batena nosinggarau bo nosipodua rara, pakabelo-belo! Magero singgani-ngganimo komiu ngena!

Galatia 5:26

Nee kita mompakalanga rarata, nee mosipodua rara bo nee masiriati.

Yakobus 4:11

Sampesuvu-sampesuvu, nee mosisalai. Isema-sema nanjalai bo nompakasala roana sampomparasaya, ia nanjalai bo nompakasala atura nu Alatala. Ane komiu mompakasala atura nu Alatala, natantumo komiu ledo topangoseaka atura, tapi topotangara atura haitu.

1 Petrus 2:1

Sampesuvu-sampesuvu, nikavamiumo katuvu nabaru. Sabana haitu, tumo mokainggu nadaa. Nee modava. Nee aga mabelo ri sumba, nee masiriati bo nee mompakadaa tona ntanina.

2 Petrus 2:18

Apa ira nombasovadaka ante nalanga rara, tapi tesa-tesara ledo ria gunana. Ante tesara niopara tona dako nenonto novega nte roara nadaa pokaingguna. Tona haitu niopara ante nompadidisi dota rarara nadaa ala raoseakara mpanjili pokainggu nadaa anu dako nikabasakara.

Yudas 1:16

Guru-guru mpodava gahaitu batena nongau bo nompakasala tona ntanina. Ira natuvu nangoseaka dota rarara nadaa. Ira nangoe nompakalanga karora mboto bo notesa namomi ala raoseaka ntona dotara.