2 Korintus 12:18 - Kaili Ledo

¹⁸ Nituduku i Titus tou nte komiu bara ipia nosanggani-nggani ante sampesuvuta ntanina. Nariamo i Titus nombaakalani komiu? Natantu ledo! Nisanimiu mbotomo kami randua nosangu rara bo pokainggu kami nasimbayu.

2 Korintus 12:18 ပူးပေါင်းရင်းမြစ်များ

Roma 4:12

Bo i Abraham muni rapotuama ntoYahudi, haitumo ira anu ledo aga nangoseaka ada posuna tapi nangoseaka jonjo pomparasaya i Abraham dopame ia nisuna.

1 Korintus 4:21

Jadi ane yaku tou nte komiu ri situ, umbana rapokonomiu? Paraluu yaku makava mompokarau komiu apa pokainggumiu dopa nabali? Atau yaku makava ante lusu rara bo asi mata apa nibalikimiumo pokainggumiu?

2 Korintus 7:2

Sampesuvu-sampesuvu, kami madota ala komiu mompotove kami bo mantarima kami! Ledo ria sanggania kami novia nadaa ka komiu, ledo ria saitoa nipakarugi kami. Ledo muni naria saitoa nibagiu kami ala mompakauntu karo kami mboto.

2 Korintus 7:6

Tapi Alatala nompakaroso rara ntona naupu rarana, bo nipakarosoNa rara kami muni ante kakava i Titus.

2 Korintus 8:6

Jadi kami nerapi nte i Titus ala ia manjili tou nte komiu. Iamo anu nompamula bago nompasiromu doi petulungi haitu nte komiu bara ipia. Jadi haitumo sabana ia nitudu kami mompapola pokarajaa nabelo haitu.

1 Petrus 2:21

Alatala nompokio komiu mosabara riara kasusa, nau komiu ledo nasala. Apa i Kristus nombarasai kasusa ala manggeni belo ka komiu, bo nidekeiNa jonjo ka komiu ala komiu mompasiala pokaingguNa.