2 Korintus 11:31 - Kaili Ledo

³¹ Alatala, Tuama nTuputa i Yesus, Iamo masipato ratoiya sampe ri kasae-saena! Bo nisaniNa anu nitesaku hitu nakana, yaku ledo nodava!

2 Korintus 11:31 ပူးပေါင်းရင်းမြစ်များ

Yohanes 10:30

Yaku bo TuamaKu ledo ria posisalana, aga saito.”

Yohanes 20:17

Nanguli i Yesus ka ia, “Nee rakabe Yaku, apa Yaku dopa neore hau nte TuamaKu. Tapi koimo hau nte sampesuvu-sampesuvuKu bo uli ka ira ivei: ‘Yaku hau nte TuamaKu bo Tuamamiu, haitumo Alatala nisombaKu bo nisombamiu.’ ”

Roma 1:25

Ira nombasapuaka pepatuduki nakana anu notesaki inggu nu Alatala. Ira aga nangoseaka pepatuduki nasala. Ira ledo nadota nombasomba bo nangoseaka Alatala Topepajadi, ira aga nombasomba bo nangoseaka anu nipajadiNa. Kakanana aga Alatala Topepajadi masipato ratoiyata sampe ri kasae-saena. Amin.

Roma 1:9

Nisani nu Alatala yaku nasaro nosambaya ka komiu. Yaku batena ante rara mpuu-mpuu nombatui pokarajaa nidekei nu Alatala ka yaku, haitumo nompatolele Kareba nu AnaNa.

Roma 15:6

ala komiu mosangu rara bo mosangu suara mompakaoge Alatala, Tuama nTuputa i Yesus Kristus.

Roma 9:1

Yaku nosangu rara ante i Kristus, jadi yaku ledo nodava. Pekiri rara ntaiku nikeniaka Nosa Gasa, bo pekiri rara ntaiku muni nanguli yaku ledo nodava. Anu kuuli hitu mpuu-mpuu nakana, ledo aga davaku:

Roma 9:5

Ira muli i Abraham, i Ishak bo i Yakub, totua toIsrael nggaulu anu nipelisi nu Alatala. Bo tempo i Kristus najadi manusia, Ia nipoanaka lako ri muli ntoIsrael. Iamo nombakuasai pura-pura. Iamo Alatala anu masipato ratoiya sampe ri kasae-saena. Amin!

2 Korintus 1:23

Sampesuvu-sampesuvu, yaku ledo nodava. Alatala sabiku. NisaniNa isi rara ntaiku bo nisaniNa yaku ledo nanjili ri ngata Korintus mompelioda komiu sabana ledo nipokonoku makasara mangonteaka komiu bo mompakasusa raramiu.

2 Korintus 1:3

Ratoiyamo Alatala, Tuama nTuputa Yesus Kristus. Ia Tuamata anu naasi mataNa nanggita kita bo Iamo Alatala nompakaroso rarata riara mpengaya-ngaya.

2 Korintus 11:11

Nuapa sabana yaku ledo nadota nompakantamo komiu? Bara raulimiu ledo nipotoveku komiu. Ledo nakana! Nisani nu Alatalamo nipotoveku komiu!

Galatia 1:20

Tesa nitulisiku hitu nakana! Nisani nu Alatala mboto yaku ledo nodava!

Efesus 1:3

Ratoiyata Alatala, Tuama nTuputa Yesus Kristus! NidekeiNa ka kita mpengaya-ngaya belo lako ri suruga sabana kita nosangu rara ante i Yesus Kristus.

Efesus 3:14

Jadi, [ane yaku nantora kanoto nu Alatala bo niaNa lako ri lamba pamulana], yaku nantaputu nosambaya ri ngayo nTuamata Alatala.

Kolose 1:3

Nggani-nggani kami nosambaya ka komiu, kami nasaro nanguli tarima kasi nte Alatala, Tuama nTuputa Yesus Kristus,

1 Tesalonika 2:5

Nisanimiu mbotomo, ledo sanggania kami nompatende komiu, bo ledo muni kami nombaakalani komiu ala mombatabuniaka patuju mompakauntu karo kami mboto. Nisani nu Alatalamo tesaku hitu nakana!

1 Timotius 1:11

Pepatuduki nakana haitu naria riara Kareba Belo anu niparasaya ka yaku mompatolelena, haitumo Kareba Belo lako nte Alatala. Alatala naoge bo masipato ratoiya.

1 Timotius 1:17

Alatala masipato rabila bo ratoiyata sampe ri kasae-saena, apa Iamo Magau anu nomparenta sampe ri kasae-saena. Ia ledo mamate, ledo namala rakitata, aga Ia saito-itoNa Alatala nakana. Amin!

1 Timotius 6:16

Aga Ia saito-itoNa ledo mamate. Ia natuvu riara reme anu ledo namala rakaparai. Ledo ria saitoa manusia nanggita Ia, apa ledo nipakule nu manusia manggita Ia. Iamo masipato rabila bo Iamo masipato momparenta sampe ri kasae-saena. Amin!

1 Petrus 1:3

Masipato kita mombatoiya Alatala, Tuama nTuputa Yesus Kristus! Nambaso mpuu asi mataNa ka kita, sampe nidekeiNa katuvu nabaru ka kita. Bo katuvu nabaru haitu nitarimata sabana i Yesus Kristus nipakatuvu mpanjili lako ri kamateNa. Haitumo sabana panjarumakata naroso.