2 Korintus 11:25 - Kaili Ledo

²⁵ Talu-ngganimo yaku niboba ntoRoma ante kayu. Sanggani yaku nirempe ntona ante vatu apa ira madota mompatesi yaku. Talu-ngganimo kapala-kapala nipesaviku natala rantasi, bo naria sanggani yaku nonanggo rara ntasi saeo sambongi.

2 Korintus 11:25 ပူးပေါင်းရင်းမြစ်များ

Matius 20:19

Maupu haitu Yaku radekeira ka tona ledo toYahudi. Bo Yaku rapongei-ngeikara bo racambu pakandasa, bo kaupuna Yaku rapaku ri kayu salib sampe mamate. Tapi ri eo katataluna Yaku rapakatuvu mpanjili.”

Matius 21:35

Tapi topokarajaa talua haitu nombasaka batua nituduna, saito nibobara, saito nipatesira, bo saito nirempera ante vatu.

Suro-Suro 14:19

Naupu haitu, bara sako-ndua toYahudi lako ri ngata Antiokhia ri propinsi Pisidia bo muni lako ri ngata Ikonium nakava ri ngata Listra. ToYahudi haitu nantanara todea ri ngata Listra ala ira muni mangeva i Paulus sampe ira nombarempe i Paulus ante vatu bo niumbunjaira hau ri savaliku ngata. Niulira namatemo ia.

Suro-Suro 14:5

ToYahudi bo pakeni ntoYahudi nosanggani-nggani ante tona ntanina ledo toYahudi, nasintuvu mompandasa bo mombarempe i Paulus bo i Barnabas ante vatu.

Suro-Suro 16:33

Ri tanga bongi haitu muni topojaga tarunggu nanggeni ira hau ri uve bo nompegasa bakara. Naupu haitu, kaliu-liu ira sambanua nidiu, tandana ira nomparasaya i Yesus.

Suro-Suro 16:37

Tapi i Paulus nanguli ka polisi nakava ri sia, “Kami hii todea nu Magau Mbaso Roma! Naupa ivesia, ledo nitangara kami, aga nicambu ri ngayo ntodea, bo nisuaraka riara ntarunggu! Bo hitupa topoparenta-topoparenta mombatudu kami manjili nggalino-lino! Ledo madota kami! Kana ira mboto makava mompopesuvu kami!”

Suro-Suro 22:24

Haitu sampe tadulako Magau Mbaso nomparenta ala i Paulus rakeni riara asrama tantara. Patujuna, i Paulus racambu bo raparesa ri sia ala rasani nuapa sabana toYahudi nongare-ngare ivesia ka ia.

1 Timotius 1:19

Pakaroso pomparasayamu, bo iko kana bate-batena movia anu nisanimu nabelo ala iko ledo rasalai nu pekirimu. Naria bara sako-ndua tona domo nompeili anu nisanira nabelo rapoviara, sampe nageromo pomparasayara,

Ibrani 11:37

Naria muni tona nirempe vatu sampe namate bo naria tona nigaragaji pakapudu, bo naria tona nipatesi ante guma. Ira nolinja-linja nangelo katuvua, bo pakeara aga kulimba nu bimba bo tovau. Ira mpuu-mpuu napepa, ira nipakasusa bo nipandasa.