2 Korintus 11:21 - Kaili Ledo

²¹ Ledo naeya mata kami nanguli kami ledo mabia mokainggu ivesia nte komiu! Tapi ane maria tona mabia mangoe karora mboto, yaku muni mabia mangoe karoku mboto! Yaku notesa mpo todoyo!

2 Korintus 11:21 ပူးပေါင်းရင်းမြစ်များ

2 Korintus 10:10

Nisaniku naria tona nanguli ivei: “Riara sura-sura i Paulus tesana nalonto bo nasodo, tapi ane ia mboto naria nte kita, ingguna damo nanonto, bo tesana ledo ria gunana.”

2 Korintus 11:1

Sampesuvu-sampesuvu, kuperapi komiu mosabara ruru mangepe yaku motesa mpo todoyo. Komiu nosabara mami nte yaku.

2 Korintus 11:17

Natantu ane kutoiya karoku mboto ri sii, yaku ledo notesa ante kuasa nTupu, tapi yaku notesa mpo todoyo.

2 Korintus 13:10

Haitu sampe nitulisiku sura hitu ka komiu dopame yaku tou, ala ane makava ri situ nte komiu yaku, ledo paraluu makasara yaku mompakabelo pokainggumiu ante kuasa nidekei nTupu ka yaku. Apa kuasa haitu nidekeiNa ka yaku ala mompakaroso komiu, ledo ala mompakagero komiu.

2 Korintus 6:8

Sanu tona nombabila kami, tapi sanu nanjalai kami. Sanu tona nantoiya kami tapi sanu nantunturaka kami. Nau kami nanoa, niuli ntona topebagiu.