2 Korintus 11:2 - Kaili Ledo

² Yaku mpuu-mpuu nompariarantaika komiu, nasimbayu mpo Alatala nompariarantaika komiu! Komiu nirapaka randaa nagasa pokaingguna anu nipopotengeakuka saito langgai, haitumo i Kristus. Batua porapa hitu, yakumo anu paratama nompatuduki komiu momparasaya i Yesus. Dotaku ala komiu ledo molinja ntanina tapi bate-batena momparasaya Ia.

2 Korintus 11:2 ပူးပေါင်းရင်းမြစ်များ

Yohanes 3:29

Ia kana mantambai rabila tapi yaku domo. Rapana ri posusa ponika, boti langgai nibila apa iamo mompoberei boti mombine. Tapi ane vega nu boti langgai anu nombaurusi poboti, ia aga neangga ri sinjori boti langgai, bo nadamba mpuumo rarana nangepe suara nu boti langgai nadamba haitu. Yaku nasimbayu ante topourusi poboti haitu. Nadamba mpuumo raraku apa nadea tona nangoseaka i Yesus.

Roma 7:4

Sampesuvu-sampesuvu, ivesia muni ante kita. Bara ipia kita nipou nu Atura agama. Tapi kita namatemo nosanggani-nggani ante karo i Kristus, jadi kita domo nipou nu Atura-atura agama. Kuasa Atura-atura haitu domo nambela kita. Bo sii-sii kita najadi todea ntosaitoNamo, haitumo i Kristus anu natuvu mpanjili lako ri kamateNa ala katuvuta moguna ka Alatala.

1 Korintus 4:15

Apa nau nonjobu-njobu guru nompatuduki komiu mangoseaka i Kristus, ledo naria najadi tuamamiu. Aga yakumo najadi mpo tuamamiu sabana yaku anu paratama nanggeni Kareba Belo ka komiu bara ipia.

2 Korintus 4:14

Alatala nompakatuvu mpanjili i Pue Yesus lako ri kamateNa, bo nisani kami, kami muni rapakatuvuNa mpanjili nasimbayu mpo Ia. Bo niparasaya kami Ia manggeni kami ri ngayo i Pue Yesus mosanggani-nggani ante komiu.

Galatia 4:11

Nakini mpuu raraku, nee-nee ledo maria gunana katiti nu iniku nompatuduki Kareba Belo ka komiu bara ipia!

Filipi 1:8

Nalentora mpuu raraku nte komiu, apa pompotoveku komiu nasimbayu mpo pepotove i Yesus Kristus mboto. Nisani nu Alatala tesaku hitu nakana.

Kolose 1:28

Jadi Kareba i Kristusmo nipatolele kami ka pura-pura tona. Nipake kami pura-pura noto anu naria riara ntai kami nompopatora ira anu ledo mabelo rapoviara bo nompatuduki ira movia anu nabelo. Patuju kami ala pura-pura ira mamala rakeni mantingayo Alatala bo pomparasayara ledo makura nuapa-nuapa ri panggitaNa sabana posangu rarara ante i Kristus.

1 Tesalonika 2:11

Nisanimiu mbotomo, kami nasaro nompatuduki komiu mpo totua langgai nompatuduki anana mboto. Kami nompakaroso raramiu bo nasaro nompopatora komiu matuvu mompakadamba rara nu Alatala. Apa Iamo nompokio komiu majadi todeaNa ri PoparentaNa bo mombarasai kaogeNa.

Pompakita 14:4

Ira haitumo nasimbayu mpo tona ledo sanggani nosampaturu ante mombine, nagasa mpuu pokainggura. Ira nangoseaka Ana Bimba ri umba-umba nikalauNa. Iramo nitoloki lako nte pura-pura manusia ri dunia bo nipatani ka Alatala bo ka Ana Bimba, nasimbayu mpo tona nombadekei asele ntalua pamulana ka Alatala.