2 Korintus 11:18 - Kaili Ledo

¹⁸ Nadea tona ntanina nangoe karora mboto bo anu nipoviara ante karosora mboto. Jadi ivesia muni yaku mangoe karoku.

2 Korintus 11:18 ပူးပေါင်းရင်းမြစ်များ

1 Korintus 4:10

Kami nireke ntona todoyo sabana kami nangoseaka i Kristus. Tapi nangoseaka pekirimiu, komiumo topomparasaya nanoto! Kami nireke ntona nalente tapi nangoseaka pekirimiu, komiumo naroso! Kami nisalai ntona tapi komiu nitoiya ntona!

2 Korintus 1:17

Tapi niaku haitu nabali. Bara raulimiu yaku aga nebalingoya. Atau raulimiu yaku nompakatantu niaku nangoseaka dotaku mboto, sanggani nanguli “Iyo,” sanggani nanguli “Ledo.”

2 Korintus 11:12

Tapi yaku bate-batena ledo merapi gaji lako nte komiu, ala suro-suro anu ledo ria kasimbayuna ri situ ledo maria loga mangoe manguli ira nokarajaa nasimbayu mpo kami.

2 Korintus 12:1

Yaku kana mangoe karoku mboto, nau ledo ria gunana. Jadi kutesa ruru anu nipopakita bo anu nipopaisani i Pue Yesus ka yaku.

2 Korintus 12:11

Sampesuvu-sampesuvu, yaku hii notesa mpo todoyo, tapi komiu nompasuu yaku notesa ivesia! Kakanana komiumo masipato mombatoiya yaku, sabana naupa yaku hii ledo naria nturoku, yaku ledo ntoto nakura ane rapoposisala ante tona nirekemiu suro-suro anu ledo ria kasimbayuna!

2 Korintus 12:9

Tapi niuliNa ka yaku, “Nemo. Nipotoveku iko, bo haitu naganamo ka iko. Apa ane nalente iko, kuasaKu malanto mpuumo riara nggatuvumu.” Jadi, haitumo sampe yaku nadamba nangoe anu nompopakita kalenteku, apa ane yaku nalente, kuasa i Kristus nokarajaa riara ntaiku.

2 Korintus 5:16

Jadi haitumo sabana kami domo nombareke tona bara nabelo bara nadaa nangoseaka pekiri manusia. Bara ipia ivesia mami kami nombareke i Kristus, tapi hitupa domo.

1 Petrus 1:24

Riara Buku Gasa nitulisi ivei: “Katuvu manusia pura-pura nasimbayu mpo kavoko, bo pura-pura kuasa bo kagayana mpo sese nggavoko. Kavoko haitu nalele bo sesena naronto.