2 Korintus 11:17 - Kaili Ledo

¹⁷ Natantu ane kutoiya karoku mboto ri sii, yaku ledo notesa ante kuasa nTupu, tapi yaku notesa mpo todoyo.

2 Korintus 11:17 ပူးပေါင်းရင်းမြစ်များ

1 Korintus 7:12

Bo iveimo pepatudukiku ka tona ntanina haitumo, tona noberei nte tona ledo topomparasaya i Kristus. Pepatuduki hitu lako nte yaku mboto, ledo ria parenta niuli i Pue Yesus bara ipia ri dunia. Ane naria langgai topomparasaya bo bereina mombine ledo nomparasaya i Kristus, tapi mombine haitu madota maroo matuvu mosanggani-nggani nte ia, langgai haitu ledo mamala mogaa nte bereina.

1 Korintus 7:25

Ane pompekutanamiu ka tona dopa noberei, ledo ria parenta lako nte i Pue Yesus. Tapi kutesa ka komiu panggavaku mboto. Bo tesaku hitu masipato raparasayamiu sabana pompakule nidekei nTupu ka yaku lako ri pompotoveNa.

1 Korintus 7:6

Tesaku hitu ledo parenta, tapi ane tona njamboko nosimpoiyo ledo mosampaturu bara sakuya kasaena, namala, ledo nakuya.

2 Korintus 11:1

Sampesuvu-sampesuvu, kuperapi komiu mosabara ruru mangepe yaku motesa mpo todoyo. Komiu nosabara mami nte yaku.

2 Korintus 9:4

Apa ane maria toMakedonia momporoa yaku ngena tou, bo ane rapana doi pedekeimiu dopa nipasiromumiu, natantu maeya mpuu mataku, nemopa komiu, apa niuliku ka ira komiu mpuu-mpuu nasadia metulungi!