2 Korintus 11:12 - Kaili Ledo

¹² Tapi yaku bate-batena ledo merapi gaji lako nte komiu, ala suro-suro anu ledo ria kasimbayuna ri situ ledo maria loga mangoe manguli ira nokarajaa nasimbayu mpo kami.

2 Korintus 11:12 ပူးပေါင်းရင်းမြစ်များ

Matius 26:16

Nompamula lako ri eo haitu i Yudas nangelo loga nabelo mombadekei i Yesus ka baliNa.

1 Korintus 5:6

Ledo masipato malanga raramiu bo mangoe ka pokainggu ivehaitu. Ledo nisanimiu tona nokainggu nadaa namala manggeni tona ntanina movia nadaa? Tona nokainggu nadaa nasimbayu mpo ragi sakide anu namala mompopenggamba pura-pura gando.

1 Korintus 9:12

Iyapa guru-guru ntanina masipato manjarumaka petanggumiu, nemopa kami! Tapi kami ledo sanggania nerapi petulungi haitu. Kami aga nombatidamaka riara mpengaya-ngaya kasusa ala ledo mompakantamo tona mombatanggu katuvua kami sampe mombalava ira mantarima Kareba Belo i Kristus.

2 Korintus 1:17

Tapi niaku haitu nabali. Bara raulimiu yaku aga nebalingoya. Atau raulimiu yaku nompakatantu niaku nangoseaka dotaku mboto, sanggani nanguli “Iyo,” sanggani nanguli “Ledo.”

2 Korintus 10:17

Riara Buku Gasa nitulisi ivei: “Isema-sema madota mantoiya bara nuapa, aginapa ia mantoiya anu nipovia nTupu.” Yeremia 9:24

2 Korintus 11:18

Nadea tona ntanina nangoe karora mboto bo anu nipoviara ante karosora mboto. Jadi ivesia muni yaku mangoe karoku.

2 Korintus 11:9

Bo tempo yaku nonturo nte komiu, ane naria paraluuku, ledo nipakasesaku komiu. Apa nuapa-nuapa niparaluuku haitu nipakagana nu sampesuvu-sampesuvu sampomparasaya nakava lako ri propinsi Makedonia. Yaku bate-batena nompasimbuku ala ledo mompakasesa komiu mompekirika katuvuku. Bo batena kupasimbuku ivesia, ledo kuperapi nte komiu.

2 Korintus 5:12

Nee rapekirimiu kami nantoiya karo kami vaimo! Ledo ivesia. Patujuku ala komiu madamba mompekirika kami, bo ala rasanimiu mesanaka tona anu nompoara kami. Apa tona haitu aga nadamba ka nturora ri dunia tapi ledo nipeilira rara ntaira.

Galatia 1:7

Kakanana ledo ria “kareba belo” ntanina, aga Kareba Belo nipatolele kami ka komiu. Tapi naria tona nompakagado pekirimiu ante pepatudukira nasala. Patujura aga mombabaliki Kareba Belo anu nantesaki i Kristus.

1 Timotius 5:14

Haitu sampe niuliku timbala-timbala da namuda aginamo moberei vai bo moana bo mompakasiayu avura mboto ala nee radekei loga ka balita manjalai kita.