2 Korintus 10:4 - Kaili Ledo

⁴ Kami ledo nangeva ante pompakule nu manusia biasa. Tapi kami nangeva ante pompakule nidekei nu Alatala. Pompakule haitu nabaraka, jadi kami nompakule nombadagi nuapa-nuapa nangeva pepatuduki nakana. Kami namala nirapaka tantara anu nompakaropu kuasa nu balira nau bara berimba karosona.

2 Korintus 10:4 ပူးပေါင်းရင်းမြစ်များ

Suro-Suro 7:22

Pura-pura pangisani bo ada-ada ntoMesir nipatuduki ka i Musa, sampe ia najadi tona naroso mpuu tesana bo poviana.

Roma 13:12

Nasaemo bongina, naparamo maeo. Jadi sia sampe kita kana mombakabasaka pokainggu nadaa nipovia ntona natuvu ri kalandana, bo mompake pareva posieva anu masipato ka tona natuvu riara karemena.

Roma 6:13

Bo nee rapalamba karomiu movia nadaa. Tapi dekeimo katuvumiu ka Alatala apa kita nikabasakamo lako ri kamatea bo nitarimatamo katuvu nabaru. Dekeimo katuvumiu ka Alatala ala karomiu rapake movia anu nanoa.

1 Korintus 2:5

Nipoviaku ivesia ala pomparasayamiu ledo mopuna lako ri kapande nu manusia tapi mopuna lako ri kuasa nu Alatala.

1 Korintus 9:7

Natantu ledo ria saitoa tantara nombatanggu katuvuna mboto tempo posieva. Katuvuna kana ratanggu pakenina. Topokarajaa talua anggur masipato mangande asele ntaluana. Bo topoevu tovau atau bimba masipato manginu susu lako ri binatana.

2 Korintus 10:8

Nau yaku madamba gaga mombatesa kuasa nidekei i Kristus ka kami, ledo maeya mataku. Sabana kuasa haitu nidekei i Pue ka kami, ledo mompakagero pomparasayamiu, tapi mompakaroso pomparasayamiu.

2 Korintus 13:10

Haitu sampe nitulisiku sura hitu ka komiu dopame yaku tou, ala ane makava ri situ nte komiu yaku, ledo paraluu makasara yaku mompakabelo pokainggumiu ante kuasa nidekei nTupu ka yaku. Apa kuasa haitu nidekeiNa ka yaku ala mompakaroso komiu, ledo ala mompakagero komiu.

2 Korintus 3:5

Tapi ledo nipakule kami mantui pokarajaa hitu ante kuasa kami mboto. Alatalamo anu nompopompakule kami.

2 Korintus 4:7

Kami manusia nalente niparasayaka pokarajaa nabelo mpuu, jadi kami nasimbayu mpo kura tana biasa, tapi isina noali mpuu. Alatala novia ivehaitu ala rasani ntona karoso nipokumaaka mombatui pokarajaa hitu, ledo nopuna lako nte kami mboto, tapi nopuna lako nte Ia.

2 Korintus 6:7

Nalantomo kami batua nu Alatala sabana kami nompatolele pepatuduki nakana, bo kuasa nu Alatala nikita riara nggatuvu kami. Kami batena nokainggu nanoa. Bo pokainggu nanoa haitumo najadi pareva posieva kami, apa ane nanoa pokainggu kami, kami mamala mangeva bali kami bo kami mamala manjaliku karo kami lako ri peeva nu bali.

1 Tesalonika 5:8

Tapi kita tona natuvu ri karemena. Jadi kita kana mompakanoto rarata. Kita kana bate-batena momparasaya Alatala bo mompotove tona ntanina ala kita maroso masimbayu mpo tantara nobaju ase. Kita kana maroo manjarumaka Alatala mompakasalama kita, ala kita maroso mpo tantara nosonggo baja.

1 Timotius 1:18

Timotius, iko mpo anaku mboto! Oseakamo parenta-parenta kudekei ka iko, apa parenta hitu nosinggambela nte petevai nu Alatala anu nipasimbayu ntopanggeni agama ka iko bara ipia. Pariaramo petevai nu Alatala haitu ala maroso raramu mombatui pokarajaa nipakatantu ka iko. Pasimbukumo mombatui pokarajaa haitu masimbayu mpo tantara nabia neeva.

2 Timotius 2:3

Iko tantara i Yesus Kristus nabelo. Jadi iko kana masadia mombarasai kasusa nosanggani-nggani nte yaku.

Ibrani 11:30

Lako ri pomparasaya ntoIsrael, nilintikura ngata Yerikho pitu-eo kasaena sampe nadungga tembo ngata haitu.