2 Korintus 10:13 - Kaili Ledo

¹³ Tapi kami ledo ntoto nasimbayu ante ira! Ane kami mangoe karo kami mboto, kami ledo mombaliunaka anu masipato, haitumo kami aga mangoe pokarajaa niparasaya nu Alatala ka kami. Bo komiu pura-pura ri Korintus nambela bagia pokarajaa kami, apa Alatala nantudu kami manggeni Kareba Belo ri ngatamiu.

2 Korintus 10:13 ပူးပေါင်းရင်းမြစ်များ

Matius 25:15

Saito niparasayana ka lima-njobu mpeka doi bulava, saitopa niparasayana ka ronjobu mpeka doi bulava, bo saitopa niparasayana ka sanjobu mpeka doi bulava. Ira niparasaya ka doina nangoseaka pompakulera mompopogoli doi. Naupu haitu hau ia ri polipana.

Roma 10:18

Tapi berimbamo? Dopa niepe ntoYahudi Kareba Belo? Natantu nieperamo apa nitulisi riara Buku Gasa ivei: <> Mazmur 19:5

Roma 12:3

Lako ri kabelo rara nu Alatala, yaku nianggatakaNa majadi suroNa. Jadi sia sampe kuuli ka komiu pura-pura, Nee rapekirita karota mboto naoge ane ledo ivesia kakanana. Kita kana manoa bo manoto mompekirika karota mboto, nangoseaka suka pomparasaya nibagi nu Alatala ka kita saito-saito.

Roma 12:6

Kita simbo nidekeika pompakule-pompakule ledo nasimbayu, nangoseaka anu nidekei nu Alatala ka simbo saito lako ri kabelo raraNa. Jadi sabana haitu, kita kana mpuu-mpuu mompake pompakuleta haitu. Isema-sema nidekeika pompakule mompatolele tesa lako nte Alatala, kana rapoviana mangoseaka pomparasaya naria nte ia.

Roma 15:20

Riara pokarajaaku haitu yaku bate-batena nompasimbuku nompatolele Kareba Belo ka tona anu dopa niepera sanga i Kristus. Yaku ledo madota mombangu banua ri bavo pandasi nipovia ntona ntanina.

1 Korintus 12:11

Pura-pura haitu nipovia nu Nosa Gasa sangu haitu. Ia nobagi pompakule-pompakule simbo ntanina, nangoseaka dota nu Nosa Gasa mboto.

Efesus 4:7

Tapi nau nadea kasimbayuta, pompakule nidekei nu Alatala ka kita ledo nasimbayu, sabana kita saito-saito nidekeika pompakule mokarajaa ka i Kristus nangoseaka anu nipakatantuNa ka kita.

1 Petrus 4:10

Kita simbo nidekeika pompakule ledo nasimbayu lako nte Alatala, bo kita kana mompake pakabelo pompakule nipatava ka kita mombatulungi tona ntanina.