2 Korintus 1:8 - Kaili Ledo

⁸ Sampesuvu-sampesuvu, kami madota ala rasanimiu kasusa bo kapari nirasai kami ri propinsi Asia nadaa mpuu. Pepandasa nirasai kami neliu gagamo sampe naupu rara kami, domo nisarumaka kami matuvu.

2 Korintus 1:8 ပူးပေါင်းရင်းမြစ်များ

Suro-Suro 16:6

Nosa Gasa nu Alatala ledo nombadekei gi Paulus mompatolele tesa nu Alatala ri propinsi Asia. Jadi nipapolara polipara hau ri bagia Frigia bo Galatia.

Suro-Suro 19:41

Naupu sekertaris ngata notesa, nitudunamo todea manjili.

Suro-Suro 2:9

Kita hii tona lako ri umba-umba, lako ri tana Partia, Media, Elam, lako ri tana Mesopotamia, Yudea bo Kapadokia. Naria muni lako ri tana Pontus bo Asia,

Roma 1:13

Sampesuvu-sampesuvu, kana rasanimiu nadea ngganimo yaku nonia tou mosinggava nte komiu tapi nasaro natelava sampe sii-sii. Patujuku mosinggava nte komiu ala madea komiu mangoseaka i Pue Yesus nasimbayu mpo anu najadi nte tona ledo toYahudi ri ngata ntanina.

1 Korintus 15:32

Yaku nosieva ante tona nadaa ri ngata Efesus anu nasimbayu mpo binata-binata nasoa. Nuapa gunana yaku matuvu mantingayo kasusa ivehaitu ane ledo ria panjarumakaku yaku rapakatuvu mpanjili? Ane tona namate ledo rapakatuvu mpanjili, agina kita matuvu mpo panguli ntona ivei: “Kamaimo kita mangande bo manginu bo madamba-damba eo hitu, sabana maile bara mamatemo kita, bo katuvuta maupumo.”

1 Korintus 16:9

apa nadea loga ka yaku ri sii mokarajaa anu mamala manggeni belo ka todea, naupa nadea muni topangeva yaku ri sii.

1 Korintus 4:8

Natantu nisarumakamiu nagana puramo nte komiu, nakalumanamo komiu riara mpengaya-ngaya. Nisarumakamiu komiu nomparenta mpo magaumo bo kami ledo. Mabelo mpuu ane makana komiu najadi magau, ala kami muni mamala momparenta mosanggani-nggani nte komiu!

2 Korintus 1:9

Nirasai kami eva nihuku mate. Tapi haitu najadi ala kami ledo manjarumaka karoso kami mboto tapi manjarumaka Alatala anu nakuasa mompakatuvu mpanjili tona namate.

2 Korintus 6:9

Sanu tona noreke kami hii ledo ria gunana, tapi sanu nombatesa kabelo pokarajaa kami bo kareba haitu natolelemo. Nadea nggani kami sakidepa mamate, tapi peintamo, kami da natuvu! Kami nasaro nipandasa ntona tapi kami ledo namate.