2 Korintus 1:4 - Kaili Ledo

⁴ Ia nompakaroso rara kami riara mpengaya-ngaya kasusa bo kapari nirasai kami, ala karoso rara nitarima kami lako nte Alatala, rapake kami mompakaroso rara ntona ntanina anu nombarasai kasusa bo kapari.

2 Korintus 1:4 ပူးပေါင်းရင်းမြစ်များ

Yohanes 14:16

Bo Kuperapi nte TuamaKu ala radekeiNa ka komiu Topetulungi ntanina, anu maroo nte komiu sampe ri kasae-saena.

Yohanes 14:18

Ledo Kupalaisi mpo ngana pailu komiu, apa Yaku manjili vai tumai nte komiu.

Yohanes 14:26

Tapi ane Nosa Gasa nu Alatala makava, rapatudukiNa ka komiu mpengaya-ngaya bo rapopatoraNa ka komiu pura-pura anu nitesaKu ka komiu. Apa Iamo Topetulungi anu ratudu nTuamaKu manjambei Yaku.

2 Korintus 7:13

Jadi, narosomo rara kami nangepe anu nipoviamiu naupu nibacamiu sura kami. Rara kami nipakaroso mpuu, bo nelabipa vai kadamba rara kami nanggita kadamba rara i Titus. Apa tempo nipeliodana komiu ri Korintus, rarana mpuu-mpuu naleva nanggita pokainggumiu.

2 Korintus 7:4

Ledo nakaja raraku notesa pakalanto ka komiu. Nadamba mpuumo raraku nantora komiu. Nau nadeamo susa bo pari nambela kami, hitupa narosomo raraku bo nelabi kadamba raraku nantora komiu.

Filipi 1:14

Bo deanapa sampesuvu sampomparasaya ri sii nantambai karoso pomparasayara i Pue Yesus, sabana nikitara Tupu nantulungi yaku ri tarunggu sampe domo naeka ira, tapi nantambaimo kabiara nompatolele Tesa nu Alatala.

1 Tesalonika 4:18

Sabana haitu, sampesuvu-sampesuvu, posipakavoemo raramiu ante pepatuduki hitu.

1 Tesalonika 5:11

Sabana haitu, sampesuvu-sampesuvu, posipakadidimo raramiu, bo posipakarosomo pomparasayamiu mpo anu nipoviamiumo.

Ibrani 12:12

Sabana haitu, sampesuvu-sampesuvu, pakaroso palemiu namaga bo pakaroso taputumiu noridi.