2 Korintus 1:3 - Kaili Ledo

³ Ratoiyamo Alatala, Tuama nTuputa Yesus Kristus. Ia Tuamata anu naasi mataNa nanggita kita bo Iamo Alatala nompakaroso rarata riara mpengaya-ngaya.

2 Korintus 1:3 ပူးပေါင်းရင်းမြစ်များ

Yohanes 10:30

Yaku bo TuamaKu ledo ria posisalana, aga saito.”

Yohanes 20:17

Nanguli i Yesus ka ia, “Nee rakabe Yaku, apa Yaku dopa neore hau nte TuamaKu. Tapi koimo hau nte sampesuvu-sampesuvuKu bo uli ka ira ivei: ‘Yaku hau nte TuamaKu bo Tuamamiu, haitumo Alatala nisombaKu bo nisombamiu.’ ”

2 Korintus 11:31

Alatala, Tuama nTuputa i Yesus, Iamo masipato ratoiya sampe ri kasae-saena! Bo nisaniNa anu nitesaku hitu nakana, yaku ledo nodava!

2 Korintus 7:6

Tapi Alatala nompakaroso rara ntona naupu rarana, bo nipakarosoNa rara kami muni ante kakava i Titus.

Efesus 1:17

Yaku nekakai nte Tuamata Alatala anu nakuasa bo naoge, anu nisomba nTuputa Yesus Kristus. Yaku nerapi ala Ia mombadekei Nosa GasaNa ka komiu. Bo Nosa Gasa mompakanoto raramiu bo mompopaisani Alatala ka komiu sampe komiu mpuu-mpuu mosisani belo ante Alatala.

Efesus 1:3

Ratoiyata Alatala, Tuama nTuputa Yesus Kristus! NidekeiNa ka kita mpengaya-ngaya belo lako ri suruga sabana kita nosangu rara ante i Yesus Kristus.

Filipi 2:11

bo pura-pura ira mompangaku i Yesus Kristusmo Tupura. Ivesiamo, ira mombabila bo mombatoiya Tuamata Alatala.

Kolose 1:3

Nggani-nggani kami nosambaya ka komiu, kami nasaro nanguli tarima kasi nte Alatala, Tuama nTuputa Yesus Kristus,

1 Petrus 1:3

Masipato kita mombatoiya Alatala, Tuama nTuputa Yesus Kristus! Nambaso mpuu asi mataNa ka kita, sampe nidekeiNa katuvu nabaru ka kita. Bo katuvu nabaru haitu nitarimata sabana i Yesus Kristus nipakatuvu mpanjili lako ri kamateNa. Haitumo sabana panjarumakata naroso.

2 Yohanes 1:4

Nadamba mpuu raraku nangepe naria ana-anamiu natuvu nangoseaka pepatuduki nakana, anu niparenta nTuamata Alatala ka kita.

2 Yohanes 1:9

Isema-sema nasalandala lako ri pepatuduki nakana bo ledo nioseakana pepatuduki i Kristus, ia ledo nosangu rara nte Alatala. Tapi isema-sema naroo nangoseaka pepatuduki i Kristus, ia nosangu rara nte Tuamata Alatala bo i Yesus, Ana nu Alatala.