2 Korintus 1:19 - Kaili Ledo

¹⁹ Apa i Yesus Kristus ledo nabali-bali. Iamo Ana nu Alatala anu nipatolele kami i Silas bo i Timotius ka komiu. Ia ledo nebalingoya, ledo sanggani nanguli, “Iyo”, bo sanggani nanguli, “Ledo.” TesaNa bate-batena namala raparasaya.

2 Korintus 1:19 ပူးပေါင်းရင်းမြစ်များ

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Matius 24:35

Langi bo tana malipo, tapi tesaKu bate-batena sampe ri kasae-saena.”

Matius 27:40

Nanguli ira, “NiuliMu Iko mamala mombagerosi Banua nu Alatala bo mombabanguna mpanjili riara talu-eo! Ane Iko mpuu-mpuu Ana nu Alatala, pakasalama karoMu mboto! Panaumo lako ri kayu salib tutu!”

Matius 27:54

Tempo balengga ntantara nu Magau Mbaso bo tantara-tantarana anu nombajagai i Yesus ri sia, nombarasai lingu mbaso haitu bo nanggita mpengaya-ngaya anu najadi, naeka mpuumo rarara. Niulira, “Tona hitu mpuu-mpuu Ana nu Alatala!”

Matius 3:17

Bo naria suara lako ri suruga nanguli, “Hitumo AnaKu nipotoveKu. Iamo nompakadamba raraKu.”

Matius 4:3

Bo nakavamo Magau nu Seta nanggaparai Ia bo nanguli, “Ane Komiu Ana nu Alatala, tudumo vatu-vatu hitu majadi kandea!”

Markus 1:1

Hitumo tesa Kareba Belo, tesa i Yesus Kristus, Ana nu Alatala.

Lukas 1:35

Nesana malaeka, “Nosa Gasa makava nte iko, bo kuasa nu Alatala toNeliu KaogeNa, maria nte iko. Haitumo sabana ngana mupoanaka rakasangai Nagasa, Ana nu Alatala.

Yohanes 1:34

Bo i Yohanes nompapola tesana, “Yaku mboto nanggita kajadia haitu bo nombasabiki: Iamo mai Ana nu Alatala!”

Yohanes 1:49

Nangepe tesa haitu nangulimo i Natanael, “Guru, Komiumo Ana nu Alatala! Komiu mpuu-mpuu magau ntoIsrael!”

Yohanes 19:7

Nesana toYahudi ka ia, “Nangoseaka atura-atura kami, tona hitu masipato rapatesi sabana Ia nompangaku karoNa Ana nu Alatala!”

Yohanes 20:28

Nanguli i Tomas ka i Yesus, “Tupuku! Alatala nisombaku!”

Yohanes 20:31

Tapi anu nitulisi riara buku hitu, patujuna ala manggeni komiu momparasaya i Yesus mpuu-mpuu Magau Topepakasalama, Ana nu Alatala. Bo patujuna muni ala komiu mamala manggava katuvua mabelo sampe ri kasae-saena sabana niparasayamiu Ia.

Yohanes 3:16

Apa Alatala mpuu-mpuu nompotove manusia sampe nidekeiNa AnaNa saito-itoNa, ala isema-sema momparasaya AnaNa ledo rapopogaa lako nte Alatala tapi manggava katuvua mabelo sampe ri kasae-saena.

Yohanes 6:69

Kami nomparasayamo bo nisani kami, Komiumo ToGasa anu nakava lako nte Alatala.”

Yohanes 8:58

Nesanamo i Yesus, “Pariaramo tesaKu. Dopame i Abraham nipoanaka, naria mamimo Yaku!”

Suro-Suro 15:22

Nangepe tesa i Yakobus, nasitujumo suro-suro bo pakeni ntanina bo pura-pura topomparasaya mompelisi bara sako-ndua tona lako nte ira mboto ratudu hau ri ngata Antiokhia mosanggani-nggani nte i Paulus bo i Barnabas mompasimbayu asele nu polibu ka topomparasaya hamai. Nipelisiramo i Silas bo i Yudas anu nidae muni i Barsabas. Tona randua haitu nibila ntodea topangoseaka i Yesus ri Yerusalem.

Suro-Suro 16:1

I Paulus bo i Silas nompapola polipara hau ri ngata Derbe, pade napola hau ri ngata Listra. Ri sia naria saito topangoseaka i Yesus nosanga i Timotius. Tinana toYahudi anu nomparasaya i Yesus munimo. Tapi tuamana toYunani.

Suro-Suro 18:5

Nakavapa i Silas bo i Timotius lako ri propinsi Makedonia, nikabasaka i Paulusmo pokarajaana novia tenda, bo eo-eo nipatolelena Kareba Belo lako nte Alatala ka toYahudi. Nipakalantona ka ira i Yesusmo Magau Topompakasalama manusia anu nijanji nu Alatala.

Suro-Suro 8:36

Riara polipara haitu, nikitara uve napara dala. Nanguli toEtiopia, “Peintamo! Moitu uve. Mamala yaku radiu sii-sii?”

Suro-Suro 9:20

Tempo haitu muni, ia kaliu-liu hau ri banua-banua petupu ntoYahudi ri Damsyik nompatolele kareba i Yesus ka toYahudi. Ia nanguli, “Yesusmo Ana nu Alatala!”

2 Korintus 1:1

Sampesuvu-sampesuvu todea nu Alatala ri ngata Korintus bo pura-pura topomparasaya ri njumangu propinsi Akhaya: Sura hitu lako nte yaku, i Paulus, bo i Timotius sampesuvuta sampomparasaya. Yaku nipelisi nu Alatala najadi suro i Yesus Kristus nangoseaka dotaNa.

1 Tesalonika 1:1

Sampesuvu-sampesuvu sampomparasaya ri ngata Tesalonika, todea nTuamata Alatala bo Tuputa i Yesus Kristus: Sura hitu lako nte kami tatalu, i Paulus, i Silas, bo i Timotius. Kami nerapi Alatala bate-batena mabelo nte komiu bo mompakatinonto raramiu.

2 Tesalonika 1:1

Sampesuvu-sampesuvu sampomparasaya ri ngata Tesalonika, todea nTuamata Alatala bo Tuputa i Yesus Kristus: Sura hitu lako nte kami tatalu, i Paulus, i Silas, bo i Timotius. Kami nerapi Tuamata Alatala bo Tuputa Yesus Kristus mombadekei belo bo katinonto ka komiu.

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.

Ibrani 1:11

Langi bo tana kana malipo, bo magero mpo baju naranta, Tapi Iko bate-batena maria.

Ibrani 13:8

Toramo! I Yesus Kristus ledo nabali-bali, lako ri nggauluname sampe sii-sii bo sampe ri kasae-saena.

1 Petrus 5:12

Yaku notulisi sura nambuku hitu ante petulungi i Silas, sampesuvuta sampomparasaya. Nisaniku ia namala raparasaya. Patujuku notulisi sura hitu ala mompakaroso raramiu bo mompakalanto ka komiu Alatala mpuu-mpuu nompotove bo nombatulungi kita evamo nitesaku pangane. Jadi komiu kana batena manjarumaka pepotoveNa haitu.

2 Petrus 1:17

Apa kami mboto naria nosanggani-nggani nte Ia ri bavo nu bulu bara ipia tempo Ia nibila bo nipakareme nTuamata Alatala. Bo suara nu Alatala anu Neliu KaogeNa nanguli ivei: “Hitumo AnaKu nipotoveKu, Iamo nompakadamba raraKu.”

1 Yohanes 1:3

Anu nikita kami bo anu niepe kami, haitu munimo rapatolele kami ka komiu ala komiu mosangu rara nte kami. Bo kita pura mamala matuvu mosangu rara ante Tuamata Alatala bo AnaNa i Yesus Kristus.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.

2 Yohanes 1:9

Isema-sema nasalandala lako ri pepatuduki nakana bo ledo nioseakana pepatuduki i Kristus, ia ledo nosangu rara nte Alatala. Tapi isema-sema naroo nangoseaka pepatuduki i Kristus, ia nosangu rara nte Tuamata Alatala bo i Yesus, Ana nu Alatala.

Pompakita 1:11

Suara haitu nanguli ivei: “Tulisimo anu mukita bo pakatu ka todea topomparasaya nonturo ri pitu ngata, haitumo ngata-ngata Efesus, Smirna, Pergamus, Tiatira, Sardis, Filadelfia bo Laodikia.”

Pompakita 1:17

Nikitakupa Ia, kaliu-liu nadungga ntuobomo yaku ri ngayoNa mpo tomate. Tapi Ia nombatuu pale ngganaNa ri karoku bo nanguli ka yaku, “Nee maeka. Yakumo hii Pamulana bo Kaupuna.

Pompakita 1:8

Tupu Alatala nanguli, “Yakumo hii Pamulana bo Kaupuna. Yaku naria mamimo lako ri lamba pamulana, Yaku naria sii-sii bo Yaku batena maria sampe ri kasae-saena. Yakumo toNeliu KakuasaKu.”

Pompakita 2:18

Bo nitudu Ana nu Manusia vai yaku motulisi ka malaeka anu nanggeniaka todea topomparasaya ri ngata Tiatira ivei: “Hitumo tesa lako nte Yaku, Ana nu Alatala anu nomata narega mpo apu bo nokada nenggila mpo tambaga.