2 Korintus 1:11 - Kaili Ledo

¹¹ Nisani kami ane komiu muni mantulungi mosambayaka kami, Alatala bate-batena mompakasalama kami riara kasusa. RadekeiNa belo ka kami sabana madea tona mosambaya ka kami. Bo madea tona manguli tarima kasi ka Ia ane rakitara nipoiyoNa pomperapira ka kami.

2 Korintus 1:11 ပူးပေါင်းရင်းမြစ်များ

Suro-Suro 12:5

Jadi i Petrus nitaha riara ntarunggu. Tapi todea topomparasaya i Yesus nosambaya njuu ka i Petrus ante mpuu-mpuu rarara.

2 Korintus 4:15

Pura-pura kasusa nirasai kami haitu, nanggeni belo ka komiu. Apa ane mantambai kadea ntona mombarasai pepotove nu Alatala, mantambai kadea ntona mosukuru nte Ia, sampe Ia mpuu-mpuu ratoiya bo rabila.

2 Korintus 9:14

Bo ira mosambayani komiu ante tovera apa pepotove nu Alatala anu nikita riara nggatuvumiu mpuu-mpuu naoge.

Filipi 1:19

Bo yaku batena nadamba apa nisaniku, yaku rakabasaka sabana posambayamiu bo petulungi Nosa i Yesus Kristus.

Kolose 4:3

Posambayaka muni kami ala Alatala mombadekei loga nabelo ka kami mompatolele karebaNa anu notesaki niaNa anu nipakadupa i Kristus. NiaNa haitu da nitabuniaka bara ipia, tapi sii-sii nipatolelekumo kareba i Kristus haitu. Bo sii-sii yaku nitarunggu sabana pokarajaaku nompatolele kareba haitu.

1 Tesalonika 5:25

Sampesuvu-sampesuvu, tulungi posambayaka kami.

2 Tesalonika 3:1

Kapolana, sampesuvu-sampesuvu, posambayakamo kami. Perapi nte Alatala ala TesaNa masalisa matolele bo ratarima mabelo, mpo anu najadi nte komiu bara ipia.

Filemon 1:22

Naria vai sangupa kuperapi nte iko, tulungi pakasadia ka yaku ponturo ri banuamu, sabana nisarumakaku posambayamiu pura-pura raepe nu Alatala bo yaku rakabasaka lako ri tarunggu bo mamala mosinggava vai nte iko.

Ibrani 13:18

Sampesuvu-sampesuvu, posambayakamo kami. Nisani kami, rara ntai kami nagasa apa kami batena madota mokainggu nabelo riara mpengaya-ngaya.