1 Yohanes 5:9 - Kaili Ledo

⁹ Ane ri potangara, kita nomparasaya posabi manusia. Tapi posabi nu Alatala narosopa pade posabi manusia, bo Ia mboto nosabi nompakatantu i Yesusmo AnaNa.

1 Yohanes 5:9 ပူးပေါင်းရင်းမြစ်များ

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Yohanes 10:38

Tapi nipoviaKu pokarajaa haitu jadi kana raparasayamiumo Yaku. Nau ledo madota komiu momparasaya tesaKu, kana raparasayamiu sabana anu nipoviaKu. Ivesiamo rasanimiu mpuu-mpuu Yaku nosangu rara nte TuamaKu bo TuamaKu muni nosangu rara nte Yaku.”

Yohanes 5:39

Komiu natutu neguru isi Buku Gasa sabana niulimiu riara buku haitu rakavamiu katuvua mabelo sampe ri kasae-saena. Tano isi Buku Gasa haitumo anu nompakalanto isema Yaku.

Suro-Suro 17:31

Apa nipakatantuNamo tempona bara maipia pura-pura manusia ri dunia ratangara ri kanoana. Pokarajaa motangara haitu nidekeiNa ka saito tona nipelisiNa lako ri nggauluname. Alatala nompakatuvu mpanjili tona haitu lako ri kamateNa ala malanto ka pura-pura tona Ia mpuu-mpuu nipelisi nu Alatala majadi Topotangara pura-pura manusia.”

Suro-Suro 5:32

Kamimo hii sabina pura-pura kajadia haitu, kami bo Nosa Gasa anu nidekei nu Alatala ka pura-pura topangoseaka parentaNa.”

Ibrani 2:4

Bo Alatala mboto nompakalanto kareba nipatolelera mpuu-mpuu nakana. Apa nipoviaNa mpengaya-ngaya kabaraka bo tanda nipokumaaka, bo nipaleleNa pompakule lako ri Nosa GasaNa nangoseaka dotaNa mboto.

Ibrani 6:18

Pojanji bo posumpaNa haitu ledo mabali. Alatala ledo ntoto nodava. PatujuNa nojanji ivesia ala kita anu nekisaliku nte Ia maroso rarata sampe kita maroo manjarumaka anu nijanjiNa haitu.

1 Yohanes 5:10

Isema-sema nomparasaya Ana nu Alatala, nisanina nakana mpuu posabi nu Alatala. Tapi isema-sema ledo nomparasaya Alatala, batuana ia nompopodava Alatala sabana ledo niparasayana posabi nu Alatala nombatesa AnaNa.