1 Yohanes 5:7 - Kaili Ledo

^7-8 Jadi, ivesiamo Alatala nompakalanto ka kita i Yesusmo AnaNa: Nosa Gasa nosabiki i Yesus Ana nu Alatala. Bo anu najadi tempo Ia nidiu bo tempo Ia namate, haitu muni nompakalanto Ia Ana nu Alatala. Talu-ngaya hitu nasimbayu posabira, haitumo, i Yesus Ana nu Alatala.

1 Yohanes 5:7 ပူးပေါင်းရင်းမြစ်များ

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Matius 18:16

Tapi ane ledo madota ia mantarima tesamiu, keni saito atau randua tona ntanina majadi sabi ntesamiu ante ia. Povia ivesia sabana riara Buku Gasa nitulisi ivei: ‘Ane maria tona rapangadu, kana maria randua atau tatalu sabi ala malanto ia mpuu-mpuu nasala.’ Ulangan 19:15

Matius 28:19

Jadi koimo komiu, hau ri umba-umba ri dunia, mompatuduki tona lako ri umba-umba ngata majadi topangoseaka Yaku. Diumo ira ante kuasa nTuamata Alatala, Yaku AnaNa, bo Nosa Gasa.

Yohanes 1:1

Ri lamba pamulana naria mamimo Tesa nu Alatala. Tesa haitu nosinggani-nggani ante Alatala, bo Ia nasimbayu nte Alatala.

Yohanes 10:30

Yaku bo TuamaKu ledo ria posisalana, aga saito.”

Yohanes 12:28

Jadi nanguli i Yesus ka TuamaNa, “Tata, popakita kaogeMiu ka manusia!” Naupu niuliNa ivesia, nariamo suara lako ri langi nanguli, “NipopakitaKumo kaogeKu bo Kupopakita vai.”

Yohanes 14:17

Topetulungi haitumo Nosa Gasa nu Alatala anu mompopaisani anu nakana ka komiu. Tona ri dunia hitu anu ledo nomparasaya, ledo mamala mantarima Ia sabana ledo nikitara Ia bo ledo nosisani ante Ia. Tapi komiu nosisani ante Ia sabana Ia nosanggani-nggani ante komiu sii-sii, bo domo masae Ia monturo riara ntaimiu.

Yohanes 15:26

Kutudu Topetulungi lako nte TuamaKu tumai nte komiu, haitumo Nosa Gasa nu Alatala anu mompopaisani anu nakana. Tempo makava Ia, Iamo mompopaisani Yaku ka komiu.

Yohanes 5:26

Apa TuamaKu Alatala nakuasa nombadekei katuvua nabaru, bo ivesia muni Yaku, AnaNa nidekeiNa kuasa ka Yaku mombadekei katuvu nabaru.

Yohanes 8:18

Naria randua anu nombasabiki Yaku. Yaku mboto saito, bo karanduana TuamaKu anu nantudu Yaku.”

Yohanes 8:54

Nesana i Yesus, “Ane Yaku mombabila karoKu mboto, ledo ntoto maria batuana. Tapi TuamaKu nombabila Yaku bo Iamo anu nipangakumiu Alatala nisombamiu,

Suro-Suro 2:33

Ia nianggataka nu Alatala bo nipoponturo ri ponturo nibila ri sabingga nggana nu Alatala ri suruga. Bo nitarimaNa Nosa Gasa nijanji nTuamaNa, Alatala. Jadi sampesuvu-sampesuvu, pangane nikitamiu bo niepemiu kami notesa nte mpengaya basa. Haitu najadi sabana kuasa Nosa Gasa anu nipopanau i Yesus ka kami.

Suro-Suro 5:32

Kamimo hii sabina pura-pura kajadia haitu, kami bo Nosa Gasa anu nidekei nu Alatala ka pura-pura topangoseaka parentaNa.”

1 Yohanes 1:1

Tesa nu Alatala anu nombadekei katuvua nabelo naria mamimo lako ri lamba pamulana, bo haitumo ratesa kami riara sura hitu. Ia niepe kami bo nikita kami mboto. Ia nisabiki kami bo Ia natuvu singgani nte kami.

1 Yohanes 5:6

I Yesus Kristus nakava ri dunia. Ia nidiu i Yohanes Topediu bo natitimo raaNa tempo Ia namate ri kayu salib. Ia ledo aga nidiu tapi Ia namate muni bo raaNa natiti. Nosa Gasa mboto nompakalanto ka kita i Yesusmo Ana nu Alatala. Bo anu niuli Nosa Gasa nakana mpuu.

Pompakita 19:13

Baju ndoe nipasuaNa nilome ri raa. Bo Ia nidae “Tesa nu Alatala.”